Bernoulli, Nicolaus I an Scheuchzer, Johannes (1716.07.22)
|
|
| Kurzinformationen zum Brief mehr ... | |
|---|---|
| Autor | Bernoulli, Nicolaus I, 1687-1759 |
| Empfänger | Scheuchzer, Johannes, 1684-1738 |
| Ort | Basel |
| Datum | 1716.07.22 |
| Briefwechsel | Bernoulli, Nicolaus I (1687-1759) |
| Signatur | ZB Zürich. SIGN: Ms. H 321a, Nr. 60., pp. 179-180 |
| Fussnote | |
Vir Celeberrime, Amice Suavissime.
Wallisii Mechanicam,[1] quam remisisti, ante octiduum recte accepi[2] una cum inclusis epistolis,[3] quarum eam, quae ad Patruum erat, mox tradidi Patruo meo,[4] a quo turbas quas Pietistae apud Vos excitarunt horumque poenas intellexi.[5] Nos ab ejusmodi hominum contagio liberi sumus, sed nescio an hoc sit e re nostra, saltem mihi videtur satius esse tolerare ejusmodi farinae homines quam Atheistas, quorum numerus apud nos proh dolor! nimius. Quod stationem Patavinam mihi gratularis pioque prosequeris voto, gratias ago. Res quidem nondum prorsus confecta dependet a confirmatione Serenissimi Senatus, Reformatorum in hoc negotio lentitudo maxime taediosa est. Gaudio me totum perfundis, dum spem facis, Te mihi fore comitem itineris;[6] sed fac quaeso, ut si firma Tibi stet sententia illuc emigrandi, in Minervae castra transeas potius quam Bellonae, stationemque Academicam seligas prae Militari. Beares me supra modum, si dares consortio Tuo frui apud Patavinos. Si verum est quod audio, Italos jam sublato omni contagii metu liberum permittere transitum peregre advenientibus ex Helvetia et Germania,[7] iter meum per Rhaetiam instituam, Teque Deo volente aut comitem itineris habebo, aut saltem Tiguri una cum Cl. Fratre et reliquis amicis salutabo. Interim fac ut valeas et ames Tibi deditissimum NBernoulli.
Basileae d. 22. Iulij 1716.
P. S. Patruus meus salutem Tibi D. Pl.[8] speratque epistolam[9] per praecedentem cursorem Tibi missam, a Te acceptam, inclusamque ad uxorem suam in Thermis agentem[10] transmissam esse.
Fussnoten
- ↑ Wallis, John, Mechanica sive De Motu, Tractatus geometricus, 3 vols, Londini (W. Godbid) 1670-1671.
- ↑ Nicolaus I Bernoulli hatte Scheuchzer Wallis’ Mechanica leihweise übersandt. Vgl. den Brief an Johannes Scheuchzer von 1716.02.12.
- ↑ Diese Beilage für Johann I Bernoulli scheint nicht erhalten zu sein.
- ↑ Johann I Bernoulli (1667-1748).
- ↑ Zu den Pietistenunruhen und der Verbannung Johann Ulrich Giezendanners siehe den vorhergehenden Brief Johannes Scheuchzers an Nicolaus I Bernoulli von 1716.07.12. Am selben Tag hatte Johannes Scheuchzer auch Johann I Bernoulli davon berichtet: Siehe den Brief von 1716.07.12. Erstmals über die Geschehnisse berichtet hatte Johannes Scheuchzer Johann I Bernoulli im Brief von 1716.07.04.
- ↑ Vgl. Nicolaus I Bernoulli an Johannes Scheuchzer von 1716.10.10.
- ↑ Die aus Furcht vor dem Einschleppen der Pest vor allem von Venedig verfügten Quarantänemassnahmen waren mindestens teilweise aufgehoben worden, so dass Nicolaus I Bernoulli über Graubünden nach Padua reisen konnte, ohne einen Umweg über Genf machen zu müssen.
- ↑ = dicit plurimam.
- ↑ Johann I Bernoulli an Johannes Scheuchzer von 1716.07.15.
- ↑ Der hier als Beilage erwähnte Brief von Johann I Bernoulli an seine in Bad Pfäfers weilende Gattin ist anscheinend nicht erhalten.
Zurück zur gesamten Korrespondenz