Bernoulli, Johann I an Scheuchzer, Johannes (1712.01.13)
|
|
|
|
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Scheuchzer, Johannes, 1684-1738 |
| Ort | Basel |
| Datum | 1712.01.13 |
| Briefwechsel | Bernoulli, Johann I (1667-1748) |
| Signatur | ZB Zürich. SIGN: Ms H 321a, Nr. 38, pp. 109-112 |
| Fussnote | Adresse mit Siegel. Am Briefende: "Respondi XVI. Kal. Febr. ..." |
Viro Pereximio et Celeberrimo
Johanni Scheuchzero
S. P. D.
Joh. Bernoulli
Te etiamnum bene valere post longum silentium laetus ex novissimis Tuis[1] intellexi; conservet Te Deus porro cum Fratre Reip. Litterariae ornamento salvum et incolumem per novum hunc annum multosque alios secuturos. Causa Tui silentii est justissima, quam si non admitterem, forem omnium iniquissimus; nefas enim puto plura ab amicis exigere quam ipsorum fert commoditas. Suscepisti negotium sane arduum in lustrandis et ordinandis annalibus,[2] eoque magis quod studio quod hactenus professus es labor iste non admodum bene convenire videtur; sed et hinc colligo, nullum studii genus dari ad quod Tua Tuique Fratris solertia mentisque acies si eam intendere velitis non pertingat. Miror interim quosdam maleferiatos, hunc tuum laudabilem conatum sub frivolo praetextu interrumpentes, non tamen ut spero omnino supprimentes. Aliquid et ego audivi de litibus Hermanni nostri cum Verzaglia meo quondam Discipulo ingratissimo: noli quaeso mihi refricare memoriam de hoc monstro hominis, quoties enim cogito de eo, toties in me sentio bilis effusionem quae me tantum non in furorem rapit contra atrocissimas injurias mihi illatas, quas si Tibi perscribere vellem et quomodo se gesserit dum apud me fuit, multas sane paginas implendas haberem, ideoque opto ut nulla mihi detur occasio de eo cogitandi nedum loquendi scribendive; non possem Tibi depingere hominem nam non habet sui similem; si vidisti eum et familiariter novisti, poteris de ipso judicare; secus vero suffecerit si dixero, monstrum esse potius quam hominem; qui pro fidelissima mea institutione, qua me dies noctesque macerabam, et pro communicatione secretissimorum scriptorum meorum horrendum foetorem mihi reliquit, dico foetorem nam corpore et anima foetet, et ita quidem ut corpore vix hircus tam male oleat, hac vero ut cacodaemoni vix cedat morum improbitate, rusticitate, et ingratitudine; putabis forte me saltem aliquod honorarium ab eo retulisse pro immani labore quem pro eo quotidie et non raro ad sudorem usque (crede mihi non mentior) subii, sed erras, nam ne quidem pro mensa et hospitio omnino satisfecit, et postea hac abiens gratias egit felium more qui permingunt pulvinar super quo requieverunt: ut verbo dicam mille florenis redimerem infectum si fieri posset, ut hunc hominem nunquam vidissem, a quo nil nisi damnum, taedium et injurias reportavi pro beneficiis quo suem hunc cumulavi:[3] sed satis de eo, rogo interim ut nihil Patavium scribas ad amicos Tuos quod apud Te querelas moverim, ne id ipse resciscat, ejus enim misanthropiam etiam e longinquo vereor: fortassis aliquando in se descendet; nuper quippe in Diario Veneto publice mei mentionem fecit honorificam,[4] et novissime ad me dedit litteras nonnihil humaniores;[5] num id fecerit conscientia adactus num vero, quod verosimilius, ut verbis tantum me pascere possit de re ipsa vero mihi praestanda ne cogitare quidem. Gratum erit scire quae fuerit syrraxis inter Archioeconomum vestrum et Antistitem:[6] nihil hac de re adhuc audivi: videtur quod iste affectare velit papatum Calvinianum, quid? oblitus ne jam est quod spectro pedelli edoctus fuerit se non esse infallibilem. Quod superest vale.
Dabam ipsis Idibus Ian. 1712.
P. S. Filius meus qui cultum suum cum salute officiosissima per me
Tibi defert, alia vice ad humanissimas Tuas litteras[7] ad se datas respondebit.[8]
A Monsieur
Monsieur Jean Scheüchzer
tres-Celebre Docteur en Medecine
à
Züric
Fussnoten
- ↑ Johannes Scheuchzer an Johann I Bernoulli von 1712.01.03.
- ↑ Die von Johannes Scheuchzer geordneten Dokumente befinden sich im Staatsarchiv des Kantons Zürich, B VIII 81-B VIII 171, unter dem Titel Allgemeine Abschiede in Sammelbänden (1463-1711).
- ↑ Zur höchst belasteten Beziehung zwischen Johann Bernoulli und Verzaglia siehe Nagel, Fritz, Johann Bernoulli und Giuseppe Verzaglia. Monstrum Italicum aut Basiliense, in: Basler Zeitschrift für Geschichte und Altertumskunde, 91 (1991), pp. 83-105.
- ↑ Giuseppe Verzaglia hatte in seiner Publikation Modo di trovare l’orbita, che descrivono i pianeti, in: Giornale de’ letterati d’Italia, III (1710), art. XIV, pp. 495-510 anerkannt, die benötigten mathematischen Kenntnisse von Johann I Bernoulli erhalten zu haben.
- ↑ Giuseppe Verzaglia an Johann I Bernoulli von 1711.10.23.
- ↑ Zum Streit zwischen Anton Klingler und Hans Heinrich Bodmer siehe die Anmerkungen im Brief von Johannes Scheuchzer an Johann I Bernoulli von 1712.01.03.
- ↑ Dieser Brief von Johannes Scheuchzer an Nicolaus II Bernoulli ist anscheinend nicht erhalten.
- ↑ Von Scheuchzers Hand: "Respondi XVI. Cal. Febr. Suasi ut publicet Scripta rariora sua Verzagliae communicata, cum forsitan plagiarium acturus [Im Manuskript steht: "acturis".] sit homo nequissimus. Communicavi lites Antistitis nostri cum Archi Oeconomo Bodmero nostro, hac lege ut nemini scripta communicet nisi unico Werefelsio, eaque remittat. Notum feci congressum et Colloquium Magistratus nostri cum Ministerio, habitum XIX calend. Febr."
Zurück zur gesamten Korrespondenz