Bernoulli, Johann I an Scheuchzer, Johann Jakob (1711.04.22)
|
|
|
|
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1711.04.22 |
| Briefwechsel | Bernoulli, Johann I (1667-1748) |
| Signatur | ZB Zürich. SIGN: Ms. H 318, pp.41-44 |
| Fussnote | P.44 ist ein schmaler Streifen des Umschlages mit 6 Textzeilen |
Viro Celeberrimo et Doctissimo
Joh. Jacobo Scheuchzero
S. P. D.
Joh. Bernoulli
Accepi ante octiduum limatissimam Tuam Lectionem typis editam,[1] cujus alterum exemplar Adgnato meo[2] cui destinaras recte tradidi; ille Tibi mecum agit gratias cum humanissima salutis denunciatione; quod eodem statim die significassem, nisi ad Socerum meum agonizantem et postridie vitam eheu! cum morte commutantem[3] accersitus responsionem in hunc diem differe coactus fuissem. Hesterna luce qua Soceri mei exuvias terrae mandavimus, mortuus est pariter Cl. Wetstenius noster Universitatis Senior Nov. test. Prof.[4] Fuit is ut haud dubie nosti unus ex fervidis Zelotis, utpote qui solus Cl. Battierii disputationem de Mundo[5] ad censuram revocandam voluit et supprimendam quanquam irrito conatu. Cl. Werenfelsius[6] animi gratia profectus est Neocomum[7] cum Dno. Osterwaldio Pastore coetus Gallici nostri[8], forte brevi rediturus ubi Wetstenii obitum resciverit, is honori sibi ducet procul dubio, honorificam sui citationem in praelectione Tua factam.[9] Ampliss. Leibnitius cui inter alia etiam litem Tuam cum Theologis perscripseram, ita respondit: "Cum Dn. Salomone Hottingero Medico Tigurino nullum mihi litterarium commercium est. Eum olim apud nos transeuntem videre memini. Serus admodum venit, quisquis hodie in Copernicum scribit, inaudiveram aliquid de Tigurina in eum tempestate, sed Theologum aliquem severiorem et sacris Naturae non initiatum eam excitasse credebam, de medico nihil tale suspicatus fuissem. Ego magis venia quam ira dignos censeo, qui hic bono animo peccant, sed non bono judicio. Doctissimo Scheuchzero de tali judicio conquerenti in eosdem sensus scribo."[10]
Manuscriptum Tuum originale Praelectionis[11] quod mireris tandem repertum est singulari casu; id scilicet nudum et sine involucro cum adjectis tamen litteris Tuis allatum mihi fuit per Dn. Frey[12] Huningae minoris Pastorem ante paucos dies, qui dixit id sibi in hoc statu traditum fuisse a Caupone illius pagi referente se illud habuisse a mendico quodam, qui manuscriptum illud in foro nostro piscario humi jacens invenerit referatum et absente involucro; atque cum ita inscriptione caruerit, Dn. Frey ex litterarum Tuarum argumento et Praelectionis materia, non nisi conjectando ad me pertinere judicavit. En fati singularitatem, cujus equidem causam assequi non possum. Miror quid Cl. Frater Tuus in Italia sit facturus: videbit ibi Hermannum nostrum;[13] voveo interim ut itinere feliciter peracto eum reducem videas salvum et sospitem. Quod superest Vale Vir Amicissime et mihi favere perge.
Dabam Basileae a. d. 22. Aprilis 1711.
Fussnoten
- ↑ Scheuchzer, Johann Jakob, Praelectio de matheseos usu in theologia ..., Tiguri [Zürich] (Chr. Hardmeyer) 1711.
- ↑ Nicolaus I Bernoulli (1687-1759).
- ↑ Johann Bernoullis Schwiegervater Daniel Falkner (geb. 1646) verstarb am 20.04.1711 in Basel.
- ↑ Johann Rudolf III Wettstein, Professor des Alten und Neuen Testaments in Basel, verstarb am 21.04.1711.
- ↑ Battier, Samuel, Dissertatio philosophica de mundo, quam permissu sapientis Philosophiae Ordinis ad diem 12 Dec. praeside Samuele Battierio Ph. et Med. Doct. Gr. L. P. P. L. H. Q. S. publice ventilandam proponit Ioh. Rodolphus Miegius, Phil. Cand. et Med. Stud., Basileae (J. J. Battier) 1710.
- ↑ Samuel Werenfels (1657-1740), Professor der Theologie in Basel. Er weilte bereits 1711 auf einer Reise nach Paris in Neuenburg (Matrikel Basel IV, Nr. 166; dort ist irrtümlich 1701 als Datum dieser Reise angegeben). Werenfels wurde nach seiner Rückkehr aus Neuenburg am 26. Mai 1711 Professor des Neuen Testaments in Basel und damit Nachfolger von Johann Rudolf III Wettstein.
- ↑ Neuenburg.
- ↑ Johann Rudolf Osterwald (1687-1763), von 1710 bis 1759 Pfarrer der französischen Gemeinde zu Basel.
- ↑ Scheuchzer, Johann Jakob, op. cit., p. 17.
- ↑ Gottfried Wilhelm Leibniz an Johann I Bernoulli von 1711.03.
- ↑ Es handelt sich um das autographe Manuskript von Scheuchzers Praelectio, das höchst wahrscheinlich mit dem Manuskript identisch ist, das den Titel Praelectio Mathematica habita d. 28. Nov. 1710 Tiguri in frequenti Auditorum Corona trägt und sich heute in UB Basel, Handschriften, L Ia 721, fo. 122-138, befindet.
- ↑ Johann Ludwig Frey (1659-1738), Professor der Geschichte und des Alten Testaments in Basel, war von 1710 bis 1711 Pfarrer in Kleinhünigen bei Basel.
- ↑ Jacob Hermann hatte von 1707 bis 1713 den mathematischen Lehrstuhl an der Universität von Padua inne. Johannes Scheuchzer besuchte ihn während seiner Italienreise in Padua (siehe Johannes Scheuchzer an Johann I Bernoulli von 1711.05.24).
Zurück zur gesamten Korrespondenz