Scheuchzer, Johannes an Bernoulli, Johann I (1710.03.30)
|
|
| Kurzinformationen zum Brief mehr ... | |
|---|---|
| Autor | Scheuchzer, Johannes, 1684-1738 |
| Empfänger | Bernoulli, Johann I, 1667-1748 |
| Ort | Zürich |
| Datum | 1710.03.30 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 668, Nr. 48* |
| Fussnote | |
Vir Celeberrime Excellentissime
Fautor Honoratissime[1].
Maximas Tibi reddo gratias pro Dissertatione Tua de Alcali et acido,[2] quam jam dum studiosus eram legeram summo cum gustu ab alio mihi commodo datam, nunc cum ejusdem ex favore Tuo possessor sim ipsemet tanto magis gaudeo. Hoc unicum si quis legerit specimen Juvenilium annorum Tuorum, eorundemque conatuum egregium documentum, ex hoc ungue Leonem cognoscet. Legeram (quod ἐν παρόδῳ) dissertationem hancce Tuam eo Tempore[3] quo Muraltus noster, Pater,[4] Collegium nobis studiosis Zoologicum tenuerat, hic propria Tua verba imo et figuras quas adducis, pro suismet ipsis perbelle venditare ausus erat, mirabar cum in scripta Tua incideram, animum nimis plagiarium, miror eum hunc adhuc possedisse verecundiae gradum, ut eadem luci publicae dare abstinuerit, nec tamen mirum, anguis in herba latebat.
Iter meum[5] aggrediar die 12. Mensis Aprilis, quapropter adhucdum Te rogo, ut mihi committas ea quae heic et illic habes peragenda, Tibi etenim quae grata fecero mihi facta esse reputo. De Itineris ordine certum nihil possum dicere, nisi exceperis, me recto in Belgium iturum esse, illic postea de ulterioribus prospiciam imo et disponam. Newtonum praelo de novo evasisse noviter intellexi,[6] nil magis cupio, quam ut eum Tibi ipsi tradere possim: Caeterum ad eos quos scribis mentionem mei facere, et eadem me ijsdem commendare ne fastidias, praecipue si ad acutissimum Leibnitium quaedam scribis;[7] nam nolo ut Te lateat, me hoc itinere durante[8] omnem moturum lapidem ut mihi aditum procurem ad quandam Professoralem stationem, ad quem finem quid Tua possit commendatio in propatulo est.
Tubum Opticum quod concernit a Schmuzio nostro conficiendum, eum nondum absolutum puto, eum autem ut quam citissime perficiat, monebo, dubito autem eum ante meum hinc secessum absolutum iri, post hac autem frater curam transmissionis in se suscipiet. Caeterum Vale et Amare ne desine Celeberrimi Excellentissimi Nominis Tui Cultorem perpetuum Iohannem Scheuchzerum D.rem
Raptim ut vides Tiguri d. 30. Martij 1710.
Fussnoten
- ↑ Im Manuskript steht "Honatissime".
- ↑ Bernoulli, Johann I/Eglinger, Nicolaus, Dissertatio De Effervescentia et Fermentatione Nova Hypothesi fundata ..., Basileae (J. Bertsche) 1690 (= Op. I).
- ↑ Im Manuskript steht "Tempere".
- ↑ Johannes von Muralt (1645-1733).
- ↑ Zum Verlauf dieser Reise siehe auch den Brief von Jacob Hermann an Johannes Scheuchzer von 1710.01.18 und die weiteren Briefe dieser Korrespondenz.
- ↑ Siehe hierzu die Anmerkung in Johann I Bernoulli an Johannes Scheuchzer von 1710.03.26.
- ↑ Siehe hierzu Johann I Bernoulli an Gottfried Wilhelm Leibniz von 1710.04.26.
- ↑ Im Manuskript steht "duranto".
Zurück zur gesamten Korrespondenz