Hermann, Jacob an Scheuchzer, Johann Jakob (1708.10.06)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Padua |
| Datum | 1708.10.06 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.363-364 |
| Fussnote | |
Vir Celeberrime Fautor et Amice honoratissime
Ex Parente meo[1] laetus nuperrime intellexi,[2] promissum fasciculum librorum[3] feliciter ad illum pervenisse de quo Tibi obstrictus sum quod ubi ad Te pervenit ulterius ad ipsum curare voluisti; Is mihi simul significarat se literas ad Te esse daturum rogaturus ut si occasionem scires nonnulla in Italiam mittendi, permissionem ipsi concederes alium fasciculum librorum ad Te dirigendi qui postea ulterius has in regiones tuto deferatur quo nomine ut et plures alias ob rationes multum me Tibi debere profiterer uti revera profiteor a Tua me amicitia complura hucusque expertum esse testimonia. A Clariss. nostro Paravicino[4] pariter certior sum factus Te proxime novum tomulum novorum literariorum[5] meditari in publicum edendum; si tempus mihi hac vice suppetiisset aliquid ex chartis meis eruendi, conatus saltem fuissem Basiliensium acta[6] quae ad pauca, certus sum, redigentur utcunque augere; sed forsan proxime dabitur occasio aliquid promendi. Quod ad Clariss. Fratrem[7] attinet ne dubites rogo me omnes nervos intensurum esse quo et ille atque ego voti compotes fiamus, mea enim nimium refert ut ejus necessitudine in hac Universitate Patavina fruar quam ut ejus commoda negligere possim. Sed nulla adhuc occasio se obtulit qua intentum prosequi liceret cum nulla adhuc Cathedra Medica aut Philosophica vacet, sed brevi spero erit quo casu ipsemet ad Excellentissimorum Reformatorum quosdam quos mihi Fautores novi scribam eundemque ita proponam ut de ejus meritis apud Ill.mum Capellum[8] quem eidem favere scio, inquirant hac enim ratione optimum mihi successum polliceor. Sed utinam res ne nihil celerius succederent sed omnia adeo lente procedere solent ut illis qui his in regionibus non degunt vix credibile videri possit. Nuperrime Celeberr. noster Ramazzinus[9] ultra insigne stipendii augmentum ducentorum quinquaginta ducatorum, quod obtinuit Praeses etiam nostri ordinis artistarum est electus ab Amplissimo Reformatorum Magistratu in locum Cel. Abbatis Fardellae[10] qui huic dignitati per septennium praefuit cum secundum leges non nisi per biennium durare debuisset. Inclusas ad Celeberr. Fatium[11] Genevam[12] curandas Tibi vel ideo commendo et obsecro quod aliae quas immediatae ad ipsum dederam aut interciderint an Geonovam[13] primum et abhinc Gen[e]vam fuerint missae. Quod superest rogo ut Clariss. Fratrem Tuum meo nomine salutare velis, Vale mihique favere non desinas Celeberrimi Nominis Tui Cultori perpetuo Hermanno
Patavii die 6.to 8bris 1708.
Fussnoten
- ↑ German Hermann (1648-1729).
- ↑ Dieser Brief von Hermanns Vater ist nicht erhalten.
- ↑ Dieses Bücherpaket an Hermanns Vater war in einem Paket an Scheuchzer enthalten, für das er in seinem Brief von 1708.08.25 um eine Empfangsbestätigung bittet. Über den Inhalt des von Scheuchzer an German Hermann weitergeleiteten Päckchens ist nichts bekannt.
- ↑ Vincentius Paravicini (1648-1726).
- ↑ Es handelt sich um die nächste Lieferung von Scheuchzer, Johann Jakob (ed.), Nova literaria Helvetica pro anno 1709, Tiguri [Zürich] (R. Simmler, D. Gessner, J. J. Scheuchzer, M. Schaufelberger/Chr. Hardmeyer) 1710.
- ↑ Gemeint sind offenbar die Geschehnisse in Basel, über die Hermann aus den Zeitungen erfährt
- ↑ Johannes Scheuchzer (1684-1738).
- ↑ Giacomo Capello (1660/65-1736) war von 1707 bis 1714 venezianischer Resident in Zürich.
- ↑ Bernardino Ramazzini (1633-1714).
- ↑ Michelangelo Fardella (1650-1718).
- ↑ Dieser Brief Hermanns an Jean-Christoph Fatio de Duillier (1656-1720) ist nicht erhalten.
- ↑ Genf
- ↑ Genua.
Zurück zur gesamten Korrespondenz