Hermann, Jacob an Scheuchzer, Johannes (1706.12.29)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johannes, 1684-1738 |
| Ort | Basel |
| Datum | 1706.12.29 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 347, pp.99-100 |
| Fussnote | |
Vir Celeberrime, Amice suavissime
Miraberis sine dubio quod Baylii Dictionarium[1] non accipias. Verum si cogitabis grandem molem ejusdem Libri tribus tomis constantis facile perspicies Tabellarii morositatem non permissuram ut id opus secum Tigurum[2] ferat, quapropter expectandum mihi[3] est donec per Veredarios eosdem[4] a quibus Commentarios[5] accepisti, id Tibi transmittere queam et spero me futura die Veneris occasionem ad id habiturum. Accipies tunc praeter Ludovicum Tuum aureum, Valsalvae aurem[6] et Ms.tum[7] Tuum Botanicum[8] quos duos libros Gloxino nostro[9] mutuo dederas, hic mihi quoque aliquot exemplaria suae dissertationis de primo Vagitu Infantis[10] pro Te et Clarissimo Fratre[11] misit quae in eodem fasciculo quoque invenies. Quantum autem ad Opera quae Clariss. Dn. Frater mihi gratis misit[12] erubesco ea sic assumere, et si scivissem me ita a Te circumventum iri de iis plane tacuissem; alia autem occasione conabor aliquid redhostimenti loco reponere. Pro pio tuo Voto occasione expirantis hujus et proxime inchoandi novi Anni pro me nuncupato gratias ago maximas, votumque repono Deum precatus ut benedictionis suae thesauros in Te, lectissimam thori sociam[13] et Celeberr. Fratrem profundat uberrime, et mox auspicandi anni felix vobis jubeat esse initium, felix transitus, felixque finis quem et longa annorum insequentium omnigena prosperitate a Vobis transigendorum excipiat series. Hoc pariter est primum votum quod ad Te mitto, cum jure merito inter amicos quos sincero pectore colo et amo primas teneas de quo ut persuasus semper maneas omni cum cura et diligentia ope[m] dabo. Hisce Vale et Ama Celeberrimi Nominis Tui Cultorem addictissimum Hermannum
Dabam raptiss.me Basileae die 29. Xbris 1706.
Celeberr. Dn. Fratrem quaeso a me saluta millies, cui ultimas me[as] praeteriti diei sabbathi optime redditas esse spero.[14]
Fussnoten
- ↑ Bayle, Pierre, Dictionaire historique et critique ... Seconde édition revuë, corrigée et augmentée par l’auteur, 3 vols., Rotterdam (R. Leers) 1702.
- ↑ Zürich.
- ↑ Im Manuskript steht "mihu".
- ↑ Im Manuskript steht "eosdes".
- ↑ Es handelt sich um die im Brief von 1706.12.15 angekündigte Sendung der Mém. Paris durch das Handels- und Speditionshaus Müller.
- ↑ Valsalva, Antonio Maria, De aure humana tractatus, in quo integra ejusdem auris fabrica, multis novis inventis, et iconismis illustrata, describitur; omniumque ejus partium usus indagantur. ..., Bononiae [Bologna] (C. Pisarri) 1704 und weitere Auflagen.
- ↑ Im Manuskript steht "Mst.um".
- ↑ Bei dieser Handschrift handelt es sich vermutlich um Vorarbeiten Scheuchzers zu seinem Werk über die in der Schweiz vorkommenden Gräser. Dieses Werk erschien 1719 in Zürich unter dem Titel Agrostographia sive Graminum, juncorum, cyperorum, cyperoidum, iisque affinium historia. Siehe auch den Brief von Johannes Scheuchzer an Johann I Bernoulli von 1707.09.18.
- ↑ Matthias Gloxin (1684-1738).
- ↑ Gloxin, Matthias, Dissertatio physico-medica de primo infantis vagitu. Quam Praeside viro nobilissimo, amplissimo, experientissimo atque excellentissimo Dn. Joh. Sigismundo Henningero, med. Doct. ejusdemque et anatomiae Prof. publ. celeberrimo, h. t. Decano spectabili, solenni philiatrorum examini submittet Matthias Gloxin, Colmaria Alsatus author. Ad d. 25. mens. novembr. MDCCVI, Argentorati [Strassburg] (J. Welper) 1706.
- ↑ Johann Jakob Scheuchzer (1672-1733).
- ↑ Hermann bezieht sich auf die ihm von Johann Jakob Scheuchzer gesandten Nummern der Zeitschrift Nova literaria Helvetica pro annis ..., Tiguri [Zürich] (R. Simmler, D. Gessner, J. J. Scheuchzer, M. Schaufelberger/Chr. Hardmeyer) 1702-1715, siehe den Brief von 1706.12.21.
- ↑ Anna Magdalena Schinz (...-1707).
- ↑ Jacob Hermann an Johann Jakob Scheuchzer von 1706.12.25.
Zurück zur gesamten Korrespondenz