Bernoulli, Johann I an Scheuchzer, Johannes (1715.10.23)
|
|
|
|
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Scheuchzer, Johannes, 1684-1738 |
| Ort | Basel |
| Datum | 1715.10.23 |
| Briefwechsel | Bernoulli, Johann I (1667-1748) |
| Signatur | ZB Zürich. SIGN: Ms H 321a, Nr. 50, pp. 139-142 |
| Fussnote | Auf pp. 141 findet sich ein P.S. von der Hand Johann I Bernoullis. Am unteren Rand der Seite steht der Antwortvermerk Scheuchzers "Resp. d. 3. Nov. 1715" mit dem anschliessenden Beginn des Entwurfs seines Briefes an Johann I Bernoulli von 1715.11.03. Dieser Entwurf endet auf p. 142. Anschliessend finden sich auf pp. 143-144 die letzten beiden erhaltnen Seiten des Briefes von Johann I Bernoulli an Scheuchzer von 1715.11.27 enthält (Systemnummer 57022). |
Viro Celeberrimo atque Doctissimo
Amico suo suavissimo
Johanni Scheuchzero
S. P. D.
Joh. Bernoulli
Inveni tandem qui describere vellet vel potius qui posset oratiunculam illam nuper a me habitam de Cometis:[1] En mitto Tibi apographum ut urgentissimo Tuo desiderio satisfaciam; sed rogo ut communicato ita utaris ne mea communicandi facilitas in incommodum vertatur, nosti quippe quam avide arripiant nocendi occasionem illi qui se dictorum meorum veritate (quam nudam nimis aliquorum opinione proferre soleo) laesos putant. Interim quod ad scribendi rationem et styli inconstantiam attinet, noli quaeso mirari ubi parum elegantiae et politiei deprehenderis, dudum enim mihi mathematico licentiam sumsi ornatum et flosculos contemnere in iis praesertim scriptis quae ad praelum non parantur, ex quorum numero haec fuit oratiuncula, festinanter et nullo studio elaborata, quia non credebam fore ut extra brabeuterium nostrum ubi a quibusdam auditoribus modicae multitudinis auribus excepta fuit, aliquorum acrioris judicii Virorum conspectui praecipue vero Tuo objiciatur. Lege modo et si quid inveneris quod Te delectet gaudebo, linimenti loco habeas quod Tibiis Tuis vulneratis applices, quamvis ut spero jamjam sanatis; nec obstat, licet etiam doloris memoriam lenire, ut quae dulcis esse solet etiam jucunda fiat. Negotia quaedam, quae me repente avocant, plura impraesentiarum scribere vetant. Vale ab omnibus meis salutatus mihique favere perge.
Dabam Basileae ad. d. 23. 8bris 1715 hora semidecima matutina paulo postquam legissem horrendam conspirationem contra Regem Britan. feliciter detectam.[2]
P. S. Ignosce quaeso adjicienti bina exemplaria alterutrum Cl. Fratri Tuo tradendum cum officios. salute Dissertationis inauguralis Filii mei.[3] Cl. Stehelii Filius proximo die Veneris pro gradu pariter disputabit de attritione et dissipatione corporum.[4]
Spargitur nescio quis rumor de invasione quadam Helvetiae reformatorum suscipienda simul per Electorem Bavar.[5] Ducem Sabaud.[6] et Ludovicum XIV. sed quae in fumum abierit per mortem hujus postremo nominati.[7] Debebat illa effectum sortiri XV die hujus mensis; Galli nostram urbem, Bavari Schafhusium, et Sabaudi Genevam opprimere erant ut dicitur parati uno eodemque die idque ex consensu Cantonum Catholicorum vi confoederationis cum Gallis renovatae.[8]
Fussnoten
- ↑ Bernoulli, Johann I, Oratio de Cometis, Basel 1715 (= Ms 342).
- ↑ Die Verschwörung der Jakobiten hatte zum Ziel, den englischen König Georg I. zu stürzen und ihn durch James Francis Edward aus dem Hause Stuart zu ersetzen.
- ↑ Bernoulli, Nicolaus II, Dissertatio Inauguralis Juridica de Jure Detractionis, Quam Consensu Amplissimi et Magnifici Jurisconsultorum Ordinis in Universitate Patria pro summis in Utroque Jure Honoribus et Privilegiis Doctoralibus rite capessendis publice examinandam offert ad d. 13. Septembris MDCCXV L.H. Q. S. Nicolaus Bernoulli, Joh. Fil. Basiliensis, Basileae (F. Lüdi) 1715.
- ↑ Stähelin, Benedict, Dissertatio inauguralis physico-medica de solidorum attritione et dissipatione quam ... pro privilegiis et honoribus doctoralibus in medicina rite obtinendis ad d. 28. Octobr. MDCCXV ... publice ventilandam proponit Benedictus Stehelius Basil., Basileae (F. Lüdi) 1715.
- ↑ Maximilian II. Emanuel war von 1679 bis 1726 Kurfürst von Bayern.
- ↑ Viktor Amadeus II. war von 1675 bis 1720 und nochmals von 1730 bis 1732 Herzog von Savoyen.
- ↑ Zum Trücklibund vgl. die Anmerkung im Brief von Johannes Scheuchzer an Johann I Bernoulli von 1715.09.21.
- ↑ Am Ende des Briefes von Scheuchzers Hand: "Resp. d. 3. Nov. 1715. Gratias egi pro transmissa Oratione de Cometis, tanto dignior est, quo tropis magis fulgurantibus et
fuco Oratorio destituta: Hoc amicorum judicium, meum semper idem, cum norit omnia sua scripta pariter mihi placere. Rumor apud nos Werenfelsium omnibus suis munijs et dignitatibus voluntario se exuisse, an verum sit, una cum causa ejus, si verum, ex eo scire aveo. Ex Anglia nuntiatur etiam conspiratio contra Helvetiam reformatam tanquam si cum Anglica illa conspiratione fabricata fuisset: Interim apud nos vix fidem invenit. Venetorum res erga Turcas male se habent. Creditur illos a Cantonibus confoederatis milites esse petituros; interim cunctando dilabuntur opes, perduntur res."
Zurück zur gesamten Korrespondenz