Hermann, Jacob an Scheuchzer, Johann Jakob (1705.05.06)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1705.05.06 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.239-240 |
| Fussnote | |
Vir Experientiss.me et Celeberrime,
Fautor et Amice pl. honorande.
Innumera Tua Testimonia de insigni erga me benevolentia, quae jam edidisti, ne minimum quidem dubitandi mihi relinquunt locum, quin Sermones quos cum Excell. Residente Sereniss. Reipublicae Venetae[1] de me percontante habuisti, in meum cesserint decus et honorem, hocque etiam nomine ceu novo beneficio mirum in modum me Tibi obstrinxisti. Ecce nunc omnes epistolas,[2] quas a Celeberr. Leibnitio[3] ab eo tempore accepi, ex quo Patavinum negotium agitari coepit, quo etiam tempore tam exoptata mihi correspondentia literarumque commercium initium sumsit. Videbis ex iis literis, quas mihi, si placet postea, remittes, satis familiariter mecum agere Illustrissimum hunc virum; adeo ut ambigam an omnia Exc. Dn. Residenti[4] praelegenda sint, sed Tute optime judicabis quae ad rem facere possint.
Quod Cl. Guiglielminus[5] damnis illis a Torrente in Foro Julio[6] ortis frustra et irrito conatu occurrere et mederi conatus est, aguit summam rei difficultatem, quam, si facile superari posset, acri suo ingenio, magnaque his in rebus experientia indefessaque cura jam dudum sustulisset, qui a longo jam tempore aquis Bononiensibus et nunc iis ex ditione Veneta praefuit.[7] Quid ergo, ego in re tanti momenti tantaeque difficultatis efficere possem? qui nullam hactenus occasionem habui, ea ad praxin deducendi et experiendi quae variis in Autoribus jam lego, quibusque plurimum me delectaveram: et profacto si tanta difficultas auferri posset ardenti quo flagro desiderio Invictissimae Reipublicae inserviendi, credo quod omne illud malum brevi foret sublatum. Quod si tamen idem negotium mihi imponeretur quod Excell. Guglielmino, omnes ad minimum vires intenderem optatum finem assequendi. Accepi in gratissima Tua epistola folium 29 Apr. Novorum Tuorum;[8] illud 15 Apr.[9] frustra per Ancillam sine tempore petiveram, adeo ut illud mihi adhuc desit. Si occasio id dabit deferas, rogo meum Cultum et obsequia Exc. Dno. Residenti. Nescio an Dn. Dubrit[10] cujus nomine gratias ago maximas pro ea humanitate qua eum excipere et prosequi dignatus es, adhuc Tiguri habitet; cogitabam ad eum hodie literas dare sed tempus id permittere non potuit; Teque propterea etiam atque etiam rogo ut eum a me salutes, ipsique indices, si eum videbis aut obvius Tibi fiat, me proximo cursore ad ejus literas responsurum esse[.] Sic Tibi semper de novo taediosum de quo profecto erubesco. Hisce Vale et me proporro Ama Celeberrimi Nominis Tui Cultorem indefessum Hermannum
Basileae 6.to Maji 1705.
Fussnoten
- ↑ Johann Jakob Scheuchzer hatte sich offenbar in Gesprächen mit dem damaligen Vertreter der Republik Venedig in Zürich und Graubünden Vendramin Iseppo Bianchi (1666-?) für Hermanns Berufung nach Padua eingesetzt.
- ↑ Es handelt sich um die Briefe von Gottfried Wilhelm Leibniz an Jacob Hermann von 1704.11.24, 1705.03.10 und 1705.04.07.
- ↑ Gottfried Wilhelm Leibniz (1646-1716).
- ↑ Vendramin Iseppo Bianchi (1666-?).
- ↑ Domenico Guglielmini (1655-1710), ital. Mathematiker, Chemiker und Arzt.
- ↑ Gemeint ist das Forum Julium in Rom, das durch eine Überschwemmung beschädigt worden war.
- ↑ Zu Guglielminis Beiträgen zur Physik der Fliessgewässer vgl. Maffioli, Cesare S., Out of Galilei: the science of waters 1628-1718, Rotterdam 1994, pp. 182-286.
- ↑ Gemeint ist die vier Seiten umfassende Lieferung ("Von einer feurigen Luftgeschicht ...") vom 29. April 1705 der seit dem 11. Februar 1705 wöchentlich erscheinenden Zeitschrift Scheuchzer, Johann Jakob, Seltsamer Naturgeschichten des Schweizer-Lands wochentliche Erzehlung (Beschreibung der Natur-Geschichten des Schweizerlands, Teil 1), Zürich (J. J. Scheuchzer) 1706.
- ↑ Diese Lieferung umfasste ebenfalls nur vier Seiten.
- ↑ Zu Isaac Dubrit (ca. 1683-1742) siehe den Brief von 1705.03.30.
Zurück zur gesamten Korrespondenz