Bernoulli, Nicolaus II an Scheuchzer, Johannes (1712.03.30)
|
|
|
|
| Kurzinformationen zum Brief mehr ... | |
|---|---|
| Autor | Bernoulli, Nicolaus II, 1695-1726 |
| Empfänger | Scheuchzer, Johannes, 1684-1738 |
| Ort | Basel |
| Datum | 1712.03.30 |
| Briefwechsel | Bernoulli, Nicolaus II (1695-1726) |
| Signatur | ZB Zürich. SIGN: H 346, pp.17-20 |
| Fussnote | Auf p.19 findet sich ein eigenhändiges P.S. von Johann I Bernoulli (1 S.) |
Viro Clarissimo ac Celeberrimo
Johanni Scheuchzero
S. P. D.
Nic. Bernoulli
Iniquus sane essem si causam silentii Tui non censerem justam, cum praesertim ipsemet ejusdem merito a Te accusari possim, sed Te pronum fore ad mihi ignoscendum, si scilicet majorem diligentiam imposterum promiserim, nullus dubito, quare sine ulterioribus ambagibus ad responsionem novissimae Tuae ad me datae epistolae me accingo,[1] gratias ante omnia agens summas pro voto Tuo tam salutari, quo mihi novum quem tunc auspicati fueramus annum bonum atque felicem optasti, simulque Deum flagitans ut et Tibi eum cum plurimis aliis non minus quam mihi faustum atque felicem esse jubeat.
Opus sane suscepisti non minus pulchrum quam utile in conficiendis illis Annalibus Helveticis,[2] quodque indicat summum ingenii Tui acumen, quo etiam in omnis generis studia miro successu penetras.
Remitto Tibi orationem Amplissimi Aescheri,[3] nomine Patris, qui ingentes Tibi refert grates pro labore quem insumsisti in mittendo hoc exemplari; summam sane cepit ex eo voluptatem ac intellexit Ampl. Auctoris probitatem ac candorem: Optandum sane foret ut et hic res nostrae tam bene constitutae essent, sed proh dolor! omnia in pejus ruunt.
Ineptiam sane vestri Canonici satis mirari non potui, qui pati noluit ut quis Tabaci pulverem naso hauriret, et actum talem scandalosum vocavit,[4] imo querelam hanc ob rem movit; sed non dubito quin judices sententiam sint laturi ineptulo tali dignum, gratum erit abs Te illud percipere.
His Vale Vir Clarissime et me amare perge.
Dabam Basileae a. d. 30. Martii 1712.
P. S.[5] Ob negotia quaedam Tibi Vir Cl. per Filium meum[6] respondere volui, hoc tantum addens aliquem ex Amicis meis teneri desiderio videndi illam quam nuper mihi miseras egoque remisi Defensionem Ampl. Obmanni Botmeri adversus Clingleri accusationem;[7] quod si placeret remittere ad me altera vice scriptum illud, facies et amico meo et mihi rem gratissimam poteris illud sub involucro mihi inscripto tradere Rev. Joh. Jacobo Hottingero V. D. Min. Cl.i Hottingeri Canonici Filio,[8] qui cum aliis quae mittenda habet ad Celeb. Iselium nostrum, illud communi fasciculo includendum huc transmittere lubens in se suscipiet: Ego vero statim ac lectum fuerit Tibi remitti curabo vel ipse remittam. Interim vale Vir Cl. et fave T. T.[9] J. Bernoulli [Prof.]
Placuit quidem Ampl. Vestri Consulis Aescheri Oratio[10] ejusque rerum collapsarum restituendarum ardor; sed miratus sum vehementiam qua invectus est in Confoederatos nostros Pontificios:[11] vereor ne si resciscant, animorum motus magis exasperentur: videtur mihi crabrones non esse irritandos praeter necessitatem.
Fussnoten
- ↑ Dieser Brief Scheuchzers ist anscheinend nicht erhalten.
- ↑ Aus dieser Bemerkung geht nicht hervor, welche Schweizer Jahrbücher Johannes Scheuchzer zu vollenden plante. Eine entsprechende eigene Publikation Scheuchzers ist jedenfalls nicht bekannt.
- ↑ Johannes Scheuchzer hatte seinem Brief an Johann I Bernoulli von 1712.03.13 Hans Jakob Eschers Rede über die Absichten der Zürcher Regierung im Zusammenhang mit der Kirchen- und Schulreform beigelegt. Die Rede findet sich heute im Wyssschen Familienarchiv der ZB Zürich. Escher eröffnete mit dieser Rede die Konferenz der aus weltlichen Mitgliedern bestehenden Revisionskommission, die am 14. Januar 1712 mit den Kirchen- und Schuldienern zusammentrat.
- ↑ Offenbar wollten die Zürcher Theologen den Gebrauch des Schnupftabaks verbieten.
- ↑ Der Text dieses Postskriptum ist eigenhändig von Johann I Bernoulli geschrieben.
- ↑ Nicolaus II Bernoulli (1695-1726).
- ↑ Zum Streit zwischen Hans Heinrich Bodmer (1669-1743) und Anton Klingler (1649-1713) siehe die Anmerkungen im Brief von Johannes Scheuchzer an Johann I Bernoulli von 1712.01.03. Die Erwiderung Bodmers findet sich in ZB Zürich Ms T 410, Nr. 13.
- ↑ Gemeint ist Hans Jakob Hottinger (1681-1731), ordiniert 1704, Sohn des Zürcher Professors und Chorherrn Johann Jakob Hottinger (1652-1735).
- ↑ T. T. = Tuo Toto.
- ↑ [Text folgt]
- ↑ Gemeint sind die katholischen Orte der alten Schweiz.
Zurück zur gesamten Korrespondenz