Hermann, Jacob an Scheuchzer, Johann Jakob (1710.06.17)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Padova |
| Datum | 1710.06.17 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.383-384 |
| Fussnote | |
Viro Celeberrimo Ioh. Iac. Scheuchzero
Fautori et Amico Pl. honorando
Iacobus Hermannus
S. P. D.
Cum Nob. vester Hottingerus[1] egregius Iuvenis in suo Patavio[2] transitu heri me invisere dignatus sit, meque rogare ut si quid ad Te curandum haberem Tibi concrederem; tam egregiae occasioni deesse nolui quo minus ipsi fasciculum istum ad Te ferendum traderem, qui continet 4 Exemplaria Epistolae Criticae Raphaelis Rabbeni Medici Iudaei circa Poeticam Hebraeorum adversus Blasium Garofallum Neapolitanum Abbatem[3] qui de eodem argumento justum opus in 4[4] ediderat ante aliquot tempus Romae, inter Amicos tuos qui studiis hisce capiuntur distribuenda uno Tibi reservato si id e re tibi videbitur. Autor mihi plura exemplaria dedit ut ea in Patriam et ad Vos curarem deferenda. Addo insuper etiam fasciculum ad Cl. Wolfium[5] Mathematicum Academiae Halensis, Te enixe rogans ut oblata occasione cum Mercibus Vestrorum Mercatorum eundem Lipsiam curare digneris, qui dehinc Halam etiam per postam sine notabili dispendio transferetur. Interim spero ultimum fasciculum qui continebat Exemplar Libri eruditi[6] a Cel. Nostro Wallisnerio nuper in publicum emissi adversus Librum Dn. Andry[7] etc. jam ad Te delatum esse aut saltem brevi Tibi redditum iri. Si etiam nullus dubito quin ultimum meum epistolium 10 Maji datum rite acceperis,[8] plura nunc non succurrunt. Hisce Vale, et, quod facis, porro mihi fave.
Patavii d. 17. Iunii 1710.
Fussnoten
- ↑ Johann Jakob Hottinger $BIBB
- ↑ Padua.
- ↑ $Bibliogr.
- ↑ $Bibliogr.
- ↑ Christian Wolff $BIBB
- ↑ Vallisneri, Antonio, Considerazioni ed esperienze intorno alla generazione de' vermi ordinari del corpo umano ..., Padova (G. Manfrè) 1710.
- ↑ Andry de Boisregard, Nicolas, De la generation des vers dans le corps del'homme. De la nature et des especes de cette maladie, de ses effets, de ses signes, de ses progonostics, des moyens de s'en preserver, des remedes pour la guerir ..., Amsterdam (Lombrail) 1701.
- ↑ Hermann an Johann Jakob Scheuchzer von 1710.05.10.
Zurück zur gesamten Korrespondenz