Hermann, Jacob an Scheuchzer, Johann Jakob (1707.11.05)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Padova |
| Datum | 1707.11.05 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.351-352 |
| Fussnote | |
Vir Celeberrime
Amice honoratiss.me
Et de felici pariter ex Neocomensi itinere[1] reditu ex animo gratulor, et de exoptato Borussiae Regis negotii successu tanto magis gaudeo quanto magis Neocomensis ac Vallangensis comitatum Reformatae Religioni potius quam Catholicae addicto Principi subjici Helvetiis interest.[2] [3] Iucundum mihi quoque accidit percipere novam post biennium Academiam Neocomi[4] erectum iri ad quam ut Tibi accessus ac Cl. Fratri[5] cum lautissimo stipendio patet maximopere exopto simul et spero Excell.mum Comitem a Metternich[6] insignem tuum Patronum non parum ad esse collaturum. Quaenam nova apud vos habeantur curiosus percipiam. Nunc fere totum tempus in auscultandis Professoribus nostris tero, hac enim ratione invitandi sunt ad par officii genus in inaugurali[7] mea oratione[8] mihi praebendum. Quemadmodum diversae magnitudinis stellae in coelo dantur ita Patavina haec Universitas Professoribus est exornata omnis generis tam sapientibus quam hisce oppositis, inter quos lucus est qui neque Cl. Gulielminum[9] pro genuino Medecinae neque me pro Matheseos Professorem nescio qua phrenesi laborans, agnoscere velit, et qui me eapropter Guilielmi Angliae Regis naturalem filium[10] elicat. Hoc mane alium in Cathedra ineptientem audivi qui Animam in sinistro Cordis ventriculo collocaret, omnemque sapientiam per arterias fluere assereret. Sed Cl. Viri Ramazzini[11] et Vallisnieri[12] egregias plane habuerunt praelectiones, insignes hic Viri una cum Cl. meo Hospite te plur. valere jubent, ipseque Vallisnerius ad te literas dabit statim atque cistulam quam cum meis libris propediem expecto a me acceperit. Quod Newtonum[13] brevi expectes laetus intelligo, nescio autem an Moyvreana[14] et Cheyneana[15] ei conjuncta sint quod pariter ex te resciscam. En inclusam ad Dn. Fratrem[16] epistolam quam ut ei insinuari cures rogo. Vale et me ama porro Celeberrimi Nominis Tui Cultorem perpetuum Hermannum
Patavii die 5. 9mbris 1707.
Fussnoten
- ↑ Reise nach Neuenburg
- ↑ $Kommentar
- ↑ $Kommentar, Fritz fragen um Bestätigung.
- ↑ Das Versprechen der preussischen Herrschaft, zu jener Zeit in Neuenburg eine Akademie zu errichten erfüllte sich nicht. Eine solche Institution wurde in Neuenburg erst nach 1838 gegründet.
- ↑ $N
- ↑ $NErnst Graf Metternich (1657-1727) war preussischer Gesandter in der Schweiz. Er schloss am 31. Okotber 1707 die "Articles généraux pour l'état de Neuchâtel" ab, mit denen Preussen dem Volk von Neuchâtel alle Rechte und Privilegien bestätigte (s. Preuss, Johann David Erdmann, Friedrich der Grosse. Eine Lebensgeschichte, Bd. 3, Berlin 1833, pp. 458-459. $N Metternich, Ernst Graf von (1657-1727) BIBB
- ↑ Im Manuskript steht "ingugurali".
- ↑ Hermann, Jacob, De matheseos praestantia, praesertim de noviss.ae analyseos usibu[s]. (Na. 104). Hermann hielt diese seine Antrittsrede in Padua am 27. November 1707.
- ↑ Guglielmini, Domenico (1655-1710) BIBB
- ↑ $N
- ↑ $N
- ↑ $N
- ↑ Möglicherweise handelt es sich um Newton, Isaac, Arithmetica universalis: Sive de compositione et resolutione arithmetica liber ..., Londini (B. Tooke) 1707.
- ↑ $Bibliogr.
- ↑ $Bibliogr.
- ↑ $N
Zurück zur gesamten Korrespondenz