Hermann, Jacob an Scheuchzer, Johann Jakob (1706.12.25)
|
|
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1706.12.25 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.301-304 |
| Fussnote | pp.303-304 ist ein ausgeschnittener Streifen (3,5 x 21,5 cm) mit Siegelspuren auf der Rückseite, der das P.S. trägt |
Vir Celeberrime, Fautor honoratissime.
Nupera die Mercurii qua literas ad Cl. Fratrem dedi,[1] eundem rogavi ut me excusaret quod nullas tunc responsorias ad Te exaraverim, tarde enim nimis bini fasciculi mihi reddebantur quam ut vel minimam epistolam scribere aut Baelii Dictionarium[2] ad vos curare potuerim. Dn. Fratri[3] jam dixi me omnia quae ad me misistis optime accepisse[4] statimque a Dn. Konigio[5] modo nominatum dictionarium pro transmisso pretio petiisse huncque petito meo annuisse. Accepi quoque Nova Tua naturalia Anni currentis[6] et supplementa eorum quae mihi deerant anni superioris[7] una cum Novorum litterariorum Annis duobus[8] quorum omnium pretium mihi non assignasti sed dono ea mihi transmisisti pro quibus proin multum me Tibi obstrictum profiteor, quanquam mihi gratum fuisset debitum statim exsolvere; verum re sic se habente operam dabo ut ostendere possim ingrato beneficia non esse collata. Est tamen quod Dno. Fratri nonnihil succenseam quod ille id officii praestare praedictaque opera tanquam pro extraneo petere pretiumque indicare rogatus recusarit. Nova Tua naturalia[9] hujus labentis anni cum voluptate maxima perlustravi in quibus multa, et mecum alii, egregia admodum et Tua dexteritate in physicis dignissima deprehendi, et sane n.o 24, 25 et 26 non minus egregium Te exhibuisti Astronomum quam ingeniosum Philosophum et tria haec schediasmata non sine insigni delectamento perlegi.[10] Nunc autem egregia quoque versaris in Materia Crystallorum sed simul etiam profiteri debeo Te mihi nimis arduam imposuisse provinciam indagandi Figuram Chrystallorum quod Problema curiosum virium mearum cancellos excedere agnoscere cogor ad hoc enim plura requiruntur experimenta quae nec scio adhuc nec sumere possum. Illustris Hugenius[11] quasdam hanc in rem conjecturas protulit circa finem Capitis quinti tractatus sui de Lumine[12] quae ideo hic repetenda haud judico neque sperare possum meliora me reperturum iis quae incomparabilis hic vir huc in re praestitit, quapropter haud abs re fuerit ejusdem sententiam examinare. Gratias quoque debeo maximas quod de Newtoni Tractatu latino de Coloribus[13] et Moyvraei Animadversionibus[14] mihi prospicere velis aeque ac de Itinerum Tuorum helveticorum curiosorum[15] exemplare pro quo nomen meum facile quoque subscribam si opus est ne eodem propius frauder. Amicissimo Dn. Fratri, rogo, ut dicas a Gloxino nostro hic ad Dn. Harscherum[16] transmissa esse aliquot exemplaria suae dissertationis de Vagitu Infantum,[17] pro Te, Vir Clarissime et pro Illo item et Valsalvae Tractatum de Aure humana[18] et MSS.to Botanico[19] quae omnia proxima occasione cum Baylii Dictionario[20] transmittam. Vale et quod facis amare perge Celeberrimi Nominis Tui Cultorem indefessum Hermannum
Basileae 25 Xbris 1706
P. S. Cum Calendae Anni 1707 celeriter appropinquent, animitus voveo ut ejusdem anni felicia Tibi sint auspicia, exoptatus decursus optimusque exitus quod votum Deum rogo et in innumeris sequentibus ratum esse velit, tantundem et voveo Cl. Dn. Fratri cum tota Tua honoratissima Familia aequae ac sua, quemque ut meo nomine plurimus salvere digneris enixe rogo.
Fussnoten
- ↑ Jacob Hermann an Johannes Scheuchzer von 1706.12.21.
- ↑ Bayle, Pierre, Dictionaire historique et critique ... Seconde édition revuë, corrigée et augmentée par l’auteur}, 3 voll., Rotterdam (R. Leers) 1702. Bayle, Pierre (1647-1706) $BIBB
- ↑ Scheuchzer, Johannes (1684-1738) $BIBB
- ↑ Es handelte sich um zwei für den Buchhändler Johann Ludwig König (1653-1711) bestimmte Pakete mit einigen Exemplaren von Johann Jakob Scheuchzers Naturgeschichten des Schweizerlands (Beschreibung der Natur-Geschichten des Schweizerlands, Teil 2), Zürich (J. J. Scheuchzer) 1707. $Kommentar$ anhand des Briefes an Joh. Sch. nochmals nachprüfen, da Titel nicht sicher.
- ↑ König, Johann Ludwig (1653-1711) $BIBB
- ↑ $Kommentar$ Gemeint sind Johann Jakob Scheuchzers Naturgeschichten des Schweizerlands von 1707 (siehe oben).
- ↑ Mit "supplementa" sind hier die übersandten fehlenden Nummern von Scheuchzer, Johann Jakob, Seltsamer Naturgeschichten des Schweizer-Lands wochentliche Erzehlung (Beschreibung der Natur-Geschichten des Schweizerlands, Teil 1), Zürich (J. J. Scheuchzer) 1706 gemeint, mit denen Hermann seine Ausgabe des letzten Jahrgangs vervollständigte.
- ↑ Scheuchzer, Johann Jakob (ed.), Nova literaria Helvetica pro annis MDCCV et MDCCVI, Tiguri [Zürich] (M. Schaufelberger/Chr. Hardmeyer) 1706.
- ↑ Scheuchzer, Johann Jakob, op. cit.
- ↑ $Kommentar$ zum Inhalt von Nr. 24, 25 und 26.
- ↑ Christiaan Huygens BIBB$
- ↑ [Huygens, Christiaan], Traité de la lumière, où sont expliquées les causes de ce qui luy arrive dans la réflexion, et dans la réfraction. Et particulièrement dans l’étrange réfraction du cristal d’Islande}. Par C. H. D. Z. [Christiaan Huygens D. Zulichem] Avec un discours de la cause de la pesanteur, Leide (P. van der Aa) 1690.
- ↑ Newton, Isaac, Optice sive De reflexionibus, refractionibus, inflexionibus et coloribus lucis libri tres ... Latine reddidit Samuel Clarke; Accedunt tractatus duo ejusdem authoris de speciebus et magnitudine figurarum curvilinearum, Latine scripti, Londini 1706. $Kommentar$ ev. Titel gross schreiben Newton $BIBB
- ↑ Moivre, Abraham de, Animadversiones in D. Georgii Cheynaei Tractatum de fluxionum methodo inversa ..., Londini (E. Midwinter) 1704. Moivre $BIBB
- ↑ Scheuchzer, Johann Jakob, Ouresiphoit\={es Helveticus sive Itinera Alpina tria in quibus incolae, animalia, plantae, montium altitudines barometricae ... exponitur et iconibus illustratur ...}, Londini (sumptibus I. Newton) 1708.
- ↑ Harscher, Nikolaus (1683-1742) BIBB
- ↑ Gloxin, Matthias, Dissertatio physico-medica de primo infantis vagitu. Quam Praeside viro nobilissimo, amplissimo, experientissimo atque excellentissimo Dn. Joh. Sigismundo Henningero, med. Doct. ejusdemque et anatomiae Prof. publ. celeberrimo, h. t. Decano spectabili, solenni philiatrorum examini submittet Matthias Gloxin, Colmaria Alsatus author. Ad d. 25. mens. novembr. MDCCVI, Argentorati [Strassburg] (J. Welper) 1706. In dieser Basler Dissertation findet sich ein Gedicht Hermanns auf Matthias Gloxin (Na. 208). $Kommentar$ verlinken.
- ↑ Valsalva, Antonio Maria, De aure humana tractatus, in quo integra ejusdem auris fabrica, multis novis inventis, et iconismis illustrata, describitur; omniumque ejus partium usus indagantur. ... , Bononiae [Bologna] (C. Pisarri) 1704.
- ↑ $Kommentar$ Bibliogr.
- ↑ Bayle, Pierre, op. cit.
Zurück zur gesamten Korrespondenz