Scheuchzer, Johannes an Bernoulli, Johann I (1714.04.01)

Kurzinformationen zum Brief mehr ...
Autor	Scheuchzer, Johannes, 1684-1738
Empfänger	Bernoulli, Johann I, 1667-1748
Ort	Zürich
Datum	1714.04.01
Briefwechsel	Bernoulli, Johann I (1667-1748)
Signatur	Basel UB, Handschriften. SIGN: L Ia 668, Nr. 66*
Fussnote

Viro Excell.^mo Acutissimo

Fautori Honoratissimo

Iohanni^[1] Bernoullio

S. P. D.

Johannes Scheuchzerus.

Grates Tibi persolvo quam maximos pro transmisso Specimine Rei navalis, quod nuperrime Te Authore prodijt:^[2] Legam librum pulcherrimum, quid enim abs te nisi pulchrum, quodque praemorsos intimae Matheseos sapit ungues? non laudabo scriptum hucusque, stupidum etenim diceres nonneminem, qui ea laudibus suis prosequeretur, quorum adyta ipsi ob debiliores adhuc profectus forsitan sunt interclusa, patere tamen ut foetus Tuos admirer; febrim mihi quasi excitant et intempestivos horrores literae illae longae $\int$ reliquis praefixae, integralium characteres, sparsim per illas chartas occurrentes: Illuc ubi ventum fuerit nolens, volens subsistam: Interim subcisivas quascunque possum horulas Sacrae Mathesi consecro, aliquid semper addisco quod usui esse potest; Talibus me dignum favore tuo porro redditurum nullus dubito. Quibus vale et favere mihi proporro ne dedigneris.

Dabam raptim Tiguri d. 1. Apr. 1714.

Fussnoten

↑ Im Manuskript steht "Iohani".
↑ Bernoulli, Johann I, Essay d’une nouvelle Theorie de la Manoeuvre des Vaisseaux ..., Basle (J. G. König) 1714 (= Op. XCI).

Zurück zur gesamten Korrespondenz

[1] Im Manuskript steht "Iohani".

[2] Bernoulli, Johann I, Essay d’une nouvelle Theorie de la Manoeuvre des Vaisseaux ..., Basle (J. G. König) 1714 (= Op. XCI).

[1]

[2]

Scheuchzer, Johannes an Bernoulli, Johann I (1714.04.01)

Fussnoten

Navigationsmenü

Suche