Scheuchzer, Johannes an Bernoulli, Johann I (1712.04.10)
|
|
| Kurzinformationen zum Brief mehr ... | |
|---|---|
| Autor | Scheuchzer, Johannes, 1684-1738 |
| Empfänger | Bernoulli, Johann I, 1667-1748 |
| Ort | Zürich |
| Datum | 1712.04.10 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 668, Nr. 60* |
| Fussnote | |
Viro Excell.mo Celeberrimo
D.o Johanni Bernoullio
S. D.
Johannes Scheuchzerus
Petis Ampliss.i Bodmeri nostri scriptum, liceat ita vocare AntiPapale, nullus deesse volui quin idem ad Te denuo mitterem:[1] commendo saltem circumspectam ejusdem Tractationem, causam meae petitionis utpote et patulam et facilem reticeo. Interim idem plane de Oratione Ampliss.i Consulis nostri, ac nos fers judicium, omitti potuissent contra Romanos nostros acriores nimis invectivae, utpote quorum emendationis causam quodammodo procul habemus, Convertatur eos Dominus et convertentur, venam tamen et nostram tetigit, remedia Dabit, ut spero, Deus. Interim nunc de rebus Toggicis[2] soliciti et ad pacem, quae si bona optabilior, et ad bellum, quod ignominiosa pace praestat parati sumus, utut lateant procerum nostrorum, et Totius Helvetiae Reformatae et consilia, et voluntates, attamen nullum dubium, quin intra paucos dies morbus hic in crisin desiturus sit. Dubium est an Cantones ita dicti Catholici Abbatis Sancto-Gallensis[3] rem sint tuituri, hoc tamen certum, eos multivarijs premi miserijs, summa apud ipsos grassatur fames, numorumque egestas, quin etiam ab foeni angustiam ipsa jumenta, praecipuae eorum divitiae, abietum ramis, et folijs pasturae loco vescuntur, multa etiam nivis copia, herbae proventum ad multas adhuc Septimanas, imo et duos tresve menses, retinet. Quicquid sit dolenda misera eorundem Sors, sed et dolendi et nos si opportuno tempore abuteremur, vel negligendo vel nimium furendo. Interim Tu cum Tuis a nobis plurimum salutatus Vale et mihi favere perge.
Dabam Raptissime Tiguri IV. Id. April. MDCCXII.
Sine relectione.
Fussnoten
- ↑ Es handelt sich wohl um das Memoriale des Obmanns Johann Heinrich Bodmer, das Johannes Scheuchzer bereits zuvor mit seinem Brief von 1712.01.17 an Bernoulli geschickt und dieser mit seinem Brief von 1712.02.03 wieder zurückgeschickt hatte. Vermutlich ging diesem Schreiben ein Brief Bernoullis an Scheuchzer voraus, in dem dieser ihn darum bat, ihm das Memoriale Bodmers erneut zukommen zu lassen. Dieser vermutete Brief ist anscheinend nicht erhalten.
- ↑ Gemeint ist der Toggenburger- oder zweite Villmergerkrieg.
- ↑ Fürstabt Leodegar Bürgisser (1640-1717).
Zurück zur gesamten Korrespondenz