Bernoulli, Johann I an Scheuchzer, Johannes (1709.06.26)
|
|
|
|
|
|
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Scheuchzer, Johannes, 1684-1738 |
| Ort | Basel |
| Datum | 1709.06.26 |
| Briefwechsel | Bernoulli, Johann I (1667-1748) |
| Signatur | ZB Zürich. SIGN: Ms H 321a, Nr. 19, pp. 55-60 |
| Fussnote | Adresse und Siegel. Auf p. 59 die Anmerkung Scheuchzers: "Respondi d. 30. Junij ...". Dem Briefmanuskript ist auf p. 57 irrtümlich eine Frachtrechnung von Dr. Eglinger an Johann I Bernoulli beigebunden. Diese war aber eine Beilage zum Brief von Johann I Bernoulli an Johannes Scheuchzer von 1709.09.11. |
Viro Clarissimo
Johanni Scheuchzero
S. P. D.
Joh. Bernoulli
En paucis Tantum Te volo Vir Cl. loco responsionis ad hesternas Tuas,[1] ut nimirum significem, annum Commentariorum acad. Paris. 1708[2] tandem etiam prodiisse; Cl. Varignonius, ejus pro Te Exemplar unum in albo (quod ob brevitatem temporis compingi non posset) tradidit similiter D. Eglingero[3], quem ut ab ejus Parente[4] intellexi forte hac hebdomada Parisiis discedet, in Patriam rediturus recta, et ita intra 14 dies vel circiter, libros omnes quos desiderasti hic expecto, missurus protinus ad Te ubi accepero. Expendit Varignonius pro tomo hoc Commentar. incompacto 9lb ita ut cum prioribus 31lb 10 s. fiat in universum 40lb 10 s. quam summam ei pro me jam solvit Dn. Eglingerus, cum alia adhuc summula quam ei antea debueram: quod spectat ad monetae valorem, Cl. Eglingerus Pater mihi dicit, Ludovicum argenteum veterem (nam novi qui veteribus sunt ponderosiores et ideo pretiosiores nondum sunt in usu apud nos) valere hic respectu ad valorem Paris. 3lb 12 ß[5]; nunc Tibi facile erit computare, quot Ludovici argentei aequivaleant istis 40lb 10 s.
Libenter audio gratiam qua flagras apud Ill. Bignonium nonnihil Te solari ob spem frustratam stationis Patavinae; Hujus viri Benevolentia et peregrinis gratificandi promta voluntas, forte aliquando inexpectatam utilitatem Tibi comparabit. Iter quod meditaris in Alpes Rhetiae Tibi voveo faustum, nobis optatum, et publico curiosum ac utile; si quod in eo novi deteges mecum communicare volueris; est quo me valde obstringes, quae sint in eo itinere observanda, sive circa barometri alt. sive circa alia physica, me monitore ut puto non indigebis, sed id monitum vellem sicubi ex montis cujuspiam culmine horizontem videre posses sine impedimento, ubi Sol oritur aut occidit, haberetur elegans modus ex observato momento ortus aut occasus Solis, ope exactissimi horologii, inveniendi Montis illius perpendicularem altitudinem. Interim Vale Vir Cl. et amicissime, meque ut soles ama.
Dabam Basileae a. d. 26. Junj 1709.
P. S. Verzaglia (qui Te officiose per me salutat) accepit nuncium de morte Victorii Stancarii, qui obiit 28. Martij novissimi ex febre hectica: gratias ago pro Turffis mihi mittendis, eas ad examen revocare non intermittam, et quod observavero Tibi impertiar.[6] [7]
Respondi: d. 30. Junij.
Petij ut ultimum Tomum commentariorum Acad. Reg. compingi curet modo Gallico ut cum reliquorum Tomorum ligatura conveniat. Post reditum meum me Argentum debitum transmissurum esse in valore a se significato.
Promisi me observationes explanatas ad Bignonium dirigendas pro revisione et correctione ipsi transmissurum esse.
Petij explanationem problematis mensurandi montium altitudines perpendiculares ope ortus vel occasus Solis mediante exactissimo Horologio observati.
A Monsieur
Monsieur Jean Scheuchzer
tres-Celebre Docteur en me-
decine etc.
à
Züric
Fussnoten
- ↑ Johannes Scheuchzer an Johann I Bernoulli von 1709.06.23 .
- ↑ Mém. Paris 1708 (1709).
- ↑ Christoph Eglinger (1686-1733).
- ↑ Niklaus Eglinger (1645-1711).
- ↑ $$$ Währungszeichen kontrollieren $$$ $web$
- ↑ Auf der Manuskriptseite folgen Rechnungen von der Hand Johannes Scheuchzers.
- ↑ Die folgende Notiz von der Hand Johannes Scheuchzers findet sich auf p. 59 des Briefbandes.
Zurück zur gesamten Korrespondenz