Wolff, Christian an Bernoulli, Johann I (1709.10.09)
|
|
| Kurzinformationen zum Brief mehr ... | |
|---|---|
| Autor | Wolff, Christian, 1679-1754 |
| Empfänger | Bernoulli, Johann I, 1667-1748 |
| Ort | Halle |
| Datum | 1709.10.09 |
| Briefwechsel | Bernoulli, Johann I (1667-1748) |
| Signatur | BS UB, Handschriften. SIGN: L I a 671, Nr.4* |
| Fussnote | |
Viro Clarissimo Atque Cele-
berrimo
Johanni Bernoulli
S. P. D. Christianus Wolfius.
Longe mihi gratissimae fuerunt, Vir celeberrime, quas mecum communicare dignatus es, dissertationes.[1] Itaque et Tibi, et Agnato tuo pro iis gratias habeo maximas. Aliis destitutus data occasione commoda geminum mitto dissertationis exemplar,[2] quae haud ita pridem sub praesidio meo publice ventilata. Alterum agnato[3] tuo reddere ipsique meo nomine salutis plurimum nunciare ne graveris est quod rogo. Epistolam addo de opere quodam MSC. Kepleri,[4] cujus Autor ab haeredibus Hevelianis ingentem MSC. viri summi farraginem 100 imperialibus coëmit ab Hevelio magno in pretio habitam, ut ex operibus ejus satis constat. Catalogum eorundem alio tempore Tecum communicaturus, cum ob iter possessoris eundem hactenus nancisci non licuerit. Vidi Hipparchum Kepleri:[5] sed opus adhuc rude atque indigestum et lima alterius eujusdam Kepleri indigere videtur. Spes igitur, quae de ipso edendo viget, exigua admodum. Equidem de veritate theorematis Leibnitiani in aestimandis viribus motricibus nullus dubito, inprimis cum nuperrime in vires molendina agentium aquarum inquirens theoremata, quae inveneram, cum illo consentire deprehenderim: gratissima tamen foret demonstratio, quam adinvenisti, Geometrica, si quando eam cum veris, quae commemoras, legum motus fundamentis citra incommodum tuum mihi perscribere posses. Pro comperto enim habeo, quod non minorem mihi, quam Cl. Voldero lucem in argumento difficili nec (quantum mihi videtur) in publicum adhuc satis explorato sit affusura. In aestimandis viribus calefaciendi solaribus (ceu ex dissertatione p. 36 apparet)[6] ab Hallejo dissentio: neque enim minus densitatis, quam ictus obliquitatis rationem habendam esse arbitror, quemadmodum et in metiendis viribus ventorum in alas molendini impingentium ad utrumque respiciendum esse reperi, cum de eo meditarer. Te mecum sentire non dubito. Quod superest, Vale, Vir celeberrime, et fave.
Dabam Halae Saxonum d. 9 Oct. 1709.
Fussnoten
- ↑ Offensichtlich hat sich Johann I Bernoulli für die ihm mit Brief von 1709 04 27 zugesandten Elementa Aereometriae von Wolff mit der Übersendung einiger Abhandlungen bedankt. Es ist nicht bekannt, ob ein Begleitschreiben mitgesandt wurde.
- ↑ Wolff, Christian, Consideratio Physico-Mathematica Hiemis Proxime Praeterlapsae Quam Praeside Christiano Wolfio, Mathematum Professore Publico Ordinario, ad diem XIII Junii Anno MDCCIX. ... In Auditorio Majori Publico Eruditorum Consideratio submittet Georgius Remus, Gedansis, Halae Magdeburgicae, Typis Christoph. Andreae Zeitleri, Acad. Typog., 1709
- ↑ Im Manuskript steht irrtümlich "agnatuo"
- ↑ Dieser beigelegte Brief eines unbekannten Autors ist nicht erhalten.
- ↑ Johannes Kepler hatte während langer Jahre an einem Buch mit dem Titel Hipparchus gearbeitet, ohne dass es je zu einer Publikation kam. Die Manuskriptteile sind publiziert in Kepler, Johannes, Gesammelte Werke, Vol. 20,1: Manuscripta astronomica (I). Apologia, De motu Terrae, Hipparchus etc. hrsg. von V. Bialas, München 1988.
- ↑ Wolff, Christian, Consideratio Physico-Mathematica Hiemis Proxime Praeterlapsae, Halae Magdeburgicae 1709
Zurück zur gesamten Korrespondenz