Wolff, Christian an Bernoulli, Johann I (1709.04.27)
|
|
|
|
| Kurzinformationen zum Brief mehr ... | |
|---|---|
| Autor | Wolff, Christian, 1679-1754 |
| Empfänger | Bernoulli, Johann I, 1667-1748 |
| Ort | Halle |
| Datum | 1709.04.27 |
| Briefwechsel | Bernoulli, Johann I (1667-1748) |
| Signatur | BS UB, Handschriften. SIGN: L I a 671, Nr.3* |
| Fussnote | |
Vir Celeberrime,
Fautor plurimum colende.
Tuae erga me humanitatis recordatus, quin testandae reverentiae ergo Elementa Aërometriae[1] nuperrime a me edita ex nundinis Lipsiensibus ad Te mitterem fieri non potuit. Equidem ea unice in gratiam tyronum conscripsi, Matheseos ad Philosophiam experimentalem applicationem noscere desiderantium, atque ob absentiam meam tot errores irrepserunt, ut foetum vix agnoscat parens; haec tamen nec impedire potuerunt, nec debuerunt, quin officio meo defungerer, nulla scilicet occasione praetermissa, qua animi mei in Te affectum testari valeam. Proxime sub praesidio meo studiosus quidam[2] ad Batavos hinc abiturus de hieme praeterlapsa disputabit: quam dissertationem Physico-Mathematicam[3] data occasione Tuae quoque censurae submittam. Utut vero religioni mihi ducam ullum Tibi, Vir Amplissime, negotium facessere; ardor tamen in Scientiis altioribus proficiendi continuo vel ab invito extorquet, ut, si commode fieri possit, Tuam aliquando mentem de veris legum motus fundamentis mihi aperire non dedigneris. Parentium[4] in disquisitionibus Physicis et Mathematicis,[5] in quibus Viris summis saepissime insultat et in eorum merita injurius existit, magnifica promittit; sed quantum mihi videtur, ab Hugenianis parum different, quae daturus est. Vale, Vir celeberrime, atque fave
Amplissimi Nominis Tui
Cultori perpetuo
Christiano Wolfio.
Dabam Halae. d. 27 April. 1709.
Monsieur
Monsieur Bernoulli,
Professeur des Mathematiques
tres celebre
à
Bâle.
par Ami.
Fussnoten
- ↑ Wolff, Christian, Aerometriae elementa, in quibus aliquot Aëris vires ac proprietates juxta methodum Geometrarum demonstrantur, Lipsiae 1709
- ↑ Es handelt sich um Georg Remus aus Danzig.
- ↑ Wolff, Christian, Christiani Wolfii Consideratio Physico - Mathematica Hiemis proxime praeterlapsae, hoc est, An. MDCCIX. Quam sub Ipsius Praesidio in Academia Halensi ad diem XIII. Iunii ejusdem Anni horis antemeriedianis in Auditorio Majori defendit Georgius Remus, Gedanensis. Halae Magdeburgicae, Typis Christoph. Andreae Zeitleri, Acad. Typog., 1709
- ↑ sic!
- ↑ Parent, Antoine, Recherches de mathématique et de physique. Paris, 1705.
Zurück zur gesamten Korrespondenz