Bernoulli, Johann I an Wolff, Christian (1727.04.04)
|
|
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Wolff, Christian, 1679-1754 |
| Ort | Basel |
| Datum | 1727.04.04 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 671, Nr.29 |
| Fussnote | |
Celeberrimo atque ampl. Viro
Christiano Wolfio
S. P. D.
Joh. Bernoulli.
Diu est quod nihil litterarum a Te viderim;[1] spero te accepisse anteriores meas, et hasce te salvum incolumemque reperturas. Qui eas tibi tradet, Juvenis sane doctissimus, est Eulerus Noster in Mathematicis versatissimus atque jam supra aetatem (nondum enim annum 20 complevit) sublimiorem Geometriam mirifice callens, cujus specimina haud vulgaria exhibuit ac majora exhibiturus est[2] cum occupaverit stationem in Academia Petropolitana ad quam fuit invitatus commendante filio meo Daniele, quo versus nunc iter ingreditur bonis avibus:[3] gaudebit salario 300 Rubelorum annuorum, spe facta insignis augmenti post elapsum quinquennium, si monstraverit interea dignos in re Mathem. profectus. Id sibi ante omnia prospiciendum putat, ut ad te Vir ampliss. dirigat iter suum tanquam ad Mathematicorum Oraculum et Fautorem summum, benevolentiam tuam atque consilia imploraturus. Qua de re, ut nullus dubito, facile illi gratificaberis, eoque nomine non illum modo sed et me innumeris alias nominibus tibi devinctum arctius porro devincies. Vale Vir ampl. et me amare perge.
Dabam Basil. a. d. 4. April. 1727.
Fussnoten
- ↑ Der letzte Brief von Wolff an Johann Bernoulli war von 1726.08.29.
- ↑ Leonhard Euler hatte seine mathematischen Studien bei Johann Bernoulli begonnen, der ihn als hochbegabt erkannt und persönlich gefördert hatte.
- ↑ Euler brach am 5. April 1727 von Basel auf und gelangte über Mainz, Frankfurt, Friedberg, Wetzlar und Giessen am 12. April nach Marburg, wo er Christian Wolff seine Aufwartung machte.
Zurück zur gesamten Korrespondenz