Wolff, Christian an Bernoulli, Johann I (1725.02.26)
|
|
| Kurzinformationen zum Brief mehr ... | |
|---|---|
| Autor | Wolff, Christian, 1679-1754 |
| Empfänger | Bernoulli, Johann I, 1667-1748 |
| Ort | Marburg |
| Datum | 1725.02.26 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 671, Nr.30* |
| Fussnote | |
Viro Celeberrimo atque Excellentissimo
Joanni Bernoulli
S. P. D.
Christianus Wolfius.
Ego Filium tuum,[1] Vir celeberrime, illustrissimo Domino Legato de meliori nota commendaveram, monueramque statim esse offerendum salarium, quod ipsum deceat. Quamobrem laeto nuncio accepi, ipsi oblatum fuisse salarium mille Rubelorum. Atat! significavit mihi heri illustr. Dn. Legatus Russorum[2] Monarcham ex hac vita ad meliorem migrasse.[3] Quamobrem cum nemo jam sit, qui negotium Academicum urgeat; facile vides, expectandum esse donec appareat, quae successori mens sit futura. Nuper mihi quoque significatum fuit, Hermannum acceptasse conditionem oblatam. Quodsi jam a Rege Borussiae[4] dimissionem impetravit, vicem ipsius doleo: neque enim video, ubinam spartam, quam ornet, sit obtenturus. Bülffingerus quoque jam dimissionem quaesivit et impetravit: sed cum Patronis utatur, quae Principis gratia fruuntur, spero futurum, ut denuo recipiatur, neque enim credo ipsi jam successorem esse datum. Ex Commentariis Academiae Regiae Scientiarum et Transactionibus Anglicanis intellexi, cum Anglos, tum Gallos insurgere contra mensuram virium Leibnitianam:[5] quod mirum videri non poterat, quoniam ipsi per vim aliud quidpiam intelligunt quam Leibnitius. Scribit Fontenellius, me autoritate Leibnitii seductum errori ejus subscripsisse;[6] sed ego principia dynamica dudum perfecta analysi comprehendi, resolvendo demonstrationes in veri nominis axiomata, propositiones scilicet identicas, aut minimum ipsis aequipollentes qualis v. gr. est ista, eadem vis eodem tempore eundem producit effectum. Vale.
Dabam Marpurgi d. 26 Febr. 1725.
Fussnoten
- ↑ Gemeint ist hier Daniel Bernoulli.
- ↑ Alexander Golovkin.
- ↑ Peter d. Gr. war am 8. Februar 1725 verstorben.
- ↑ Friedrich Wilhelm I., König von Preussen.
- ↑ Siehe z.B. Pemberton, Henry, A Letter to Dr. Mead, Coll. Med. Lond. et Soc. Reg. S. concerning an Experiment, whereby ist has been attempted to shew the falsity of the common Opinion, in relation to the force of Bodies im Motion, in: Phil. Trans. Nr. 371, April and May 1722, pp. 57-68, oder Desaguliers, John Theophilus, An Account of some Experiments made to prove, that the Force of Moving Bodies is proportionable to their Velocities: (or rather that the Momentum of Moving Bodies is to be found by multiplying the Masses into the Velocities) In Answer to such who have sometime ago affirm'd, that that Force is proportionable to the Square of the Velocity, and to those who still defend the same Opinion. By the Reverend John Theophilus Desaguliers, LL. D. F. R. S.: Phil. Trans. Nr. 375, January and February 1723, London 1724, pp. 269-279.
- ↑ [Fontenelle, Bernard le Bovier de], Sur la force des corps en mouvement, in: Hist. Paris 1721 (1723), pp. 82.
Zurück zur gesamten Korrespondenz