Muykens, Theodor an Bernoulli, Johann I (1716.12.20)
[Noch keine Bilder verfügbar]
| Kurzinformationen zum Brief mehr ... | |
|---|---|
| Autor | Muykens, Theodor, 1665-1721 |
| Empfänger | Bernoulli, Johann I, 1667-1748 |
| Ort | Groningen |
| Datum | 1716.12.20 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 712:Bl.122-123 |
| Fussnote | |
Clariss.o et Expertiss.o
Viro
D. D. J. Bernoullio
Celeberr.o Matheseos Profess.i
S. D.
Theodorus Muykens.
Ex eo, Vir Celeberr., quo Academia Nostra Tuam dolet et luget absentiam, professorum in eadem docentium numerus nunc auctus, nunc iterum diminutus, ad quatuor reductus est; mecum enim in vivis adhuc supersunt Viri Clar. profess. ordin. D. Lammers et D. Isinck, et Extraordin. D. Rossat. Multi etiam interim Viri Graviss.i Patriae et Academiae Patr[e]s, qui Te Tuamque Familiam paterno saepissime prosequuti fuerunt animo, fatis cessere, vitamque cum morte commutarunt. Plurimi nihilominus Eruditiss.i superstites Viri, inter quos Nobiliss.i Academiae Curatores, non immemores Tui, Dictorumque hanc provinciam et Academiam Tibi prae caeteris, quarum oblata saepius sprevisti ornamenta, maxime adhucdum esse cordi, de languente Academia restauranda solliciti, Te Virum Celeberr., titulo Matheseos Profess.is saepius condecoratum, iterumque jam condecorandum, eodem etiam, quo olim, concesso et superaddito Honorario in hanc provinciam invitare et vocare, unaque Tuum quinque Ordin. profess.es, Viros maxime reverendos et eruditione summe perspicuos, in Facult. Theolog. D. Driessen et D. Verbruggen, in Juridica D. Tulieu et D. Berberacq; in philosoph. D. Rossat eligere et nominare decreverunt. Electionem hanc noviss.o perillustriss. et ampliss. hujus provinciae D. D. Ordinum congressu Senatus consultus Groninganus approbavit. Nobiliss.i etiam Omlandiarum Domini summo eandem favore amplectentes, vota et consensum in proximum congressum Decim. Non. Calend. Februar. ann. seq. habendum deferre statuerunt. (hebben De Ed. Heeren van De Omlanden het rapport Der Ed. Heeren Curatoren favorabel overgenoomen en tot de naast koomende Landdagh gedifereerd.). Adeoque ut huic actui generosiss.o et ita feliciter ad finem fere perducto, vix quicquam aliud deficere videatur, quam quod hisce meis minus conditis literis, summo erga Te amore, instinctu etiam et consensu Consulis et collegii nobiliss.os Curatorum praesidis exaratis et Tibi missis, respondeas quam citissime, offerendam hanc Tibi provinciam gratam fore nec ne. Si eandem amplecti, quod mecum amicitia Tibi conjuncti non tantum, sed Viri de republica optime meriti et humanioribus literis addicti, imo etiam provinciae et academiae Cives ex animo exoptant, et in Te suscipere decreveris mihique illud, quod animo constituis rescribere et communicare volueris, de eo Spectatiss. Consulem certiorem reddam, non tamen priusquam omnia fuerint ordine, rite et plane peracta: in reliquis ad haec aliave pertinentibus sinceram fidem et altissimum eorum, in quibus ita Tibi necessum videbitur, promitto silentium. Vale.
Groningae Decim. tert. Calend. Januarii ann. MDCCXVI.
Zurück zur gesamten Korrespondenz