Bernoulli, Johann I an Scheuchzer, Johann Jakob (1716.11.18)
|
|
|
|
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1716.11.18 |
| Briefwechsel | Bernoulli, Johann I (1667-1748) |
| Signatur | ZB Zürich. SIGN: Ms. H 318, pp.67-70 |
| Fussnote | Untere Hälfte von p.69/70 abgeschnitten |
Celeberrimo et Excell. Viro
J. Jac. Scheuchzero
S. P. D.
Joh. Bernoulli
Accepi gratissimas Tuas litteras atque cum illis munus splendidissimum quo me mactatum voluisti:[1] gratias ago quas possum maximas usque dum occasio se praebeat non verbis tantum sed opere ipso gratum meum testandi animum. Universus Orbis Litteratus merito miratur indefessum Tuum studium in augendis propagandisque artibus et scientiis praesertim in excolenda Historia naturali, qua in re magno vestro Gesnero[2] nil quicquam cedere Te video: Helvetia nostra de qua multiplici nomine egregie meruisti meresque indies ingrata foret nisi eruditionis Tuae monumenta extrueret ad seram posteritatem transitura, eo saltem allaborare deberet Patria Tua, si vel maxime verum sit, non postremam laudem esse urbis cujuspiam magnos deque orbe erudito bene meritos produxisse Viros, usque adeo ut etiam plures Graeciae urbes certaverint de Homeri natalibus sibi vindicandis: Id certe si Tigurum hodiernum non satis agnoscit, veniet dies quo cineribus Tuis tanto majorem deferet honorem. Quod interim tanto cum successu officio Tuo publico fungaris, laetus percipio;[3] ita ergo vestrates paulatim assuescent solidioribus studiorum cibis, discentque respicere leves nugarum scholasticarum quisquilias; de quo Tibi nobisque omnibus impense gratulor. Novi nihil habeo quod scribam; Agnatus meus designatus Professor Patavinus,[4] prout speramus, Venetias appulerit, novissimae ejus Litterae Mediolano sunt datae; scribit se honorifice a Vobis fuisse exceptum, de quo et meo et ipsius Patris nomine gratias ago: Persensit quoque civilitatem Ministri status Veneti Curiae Rhaetorum agentis.[5] Parisiis accipio nuncium de obitu Parentii variolis peremti aetate 54 annorum.[6] Fuit ille flagellum mathematicorum et criticus plerumque satis insulsus aut potius Zoilus, qui nullum fere scriptum mathematicum intactum reliquit; ego etiam non semel ejus mordacitatem expertus sum, sed hoc pro mercede reportavit, quod eum nunquam responsione dignatus fuerim, pro solatio habens quod mihi communis sors fuerit cum Leibnitio, Newtono, Hugenio aliisque Viris magnis quibus non magis quam mihi pepercit, aut quam suis popularibus Varignonio, Saurino etc. Quod superest Vale Vir Clarissime mihique favere perge.
Dabam Basileae a. d. XVIII. Novemb. 1716.[7]
Fussnoten
- ↑ Mit seinem letzten Brief von 1716.11.07. übersandte Johann Jakob Scheuchzer sein Werk Helvetiae stoicheiographia, orographia, et oreographia. Oder Beschreibung der Elementen, Grenzen und Bergen des Schweizerlands (Natur-Histori des Schweitzerlands, Teil 1 [eigentlich Teil 4]), Zürich (H. Bodmer) 1716.
- ↑ Konrad Gessner (1516-1565).
- ↑ Es handelt sich um die wöchentlichen Vorlesungen Scheuchzers zu den naturwissenschaftlich kommentierbaren Bibeltexten, die zu seiner 'Jobi physica sacra, oder Hiobs Natur-Wissenschafft, vergliechen mit der Heutigen ..., Zürich (H. Bodmer) 1721, führten.
- ↑ Nicolaus I Bernoulli (1687-1759) wurde 1716 zum Nachfolger Jacob Hermanns auf den seit 1712 vakanten Lehrstuhl für Mathematik in Padua berufen.
- ↑ Nicolaus I Bernoulli reiste am 26.10.1716 von Basel ab, kehrte am 28.10.1716 bei Johann Jakob Scheuchzer in Zürich ein und erreichte am 8.11.1716 über den Splügenpass kommend Mailand. Zwischen dem 01.11.1716 und dem 04.11.1716 habe er in Sargans "den Venetianischen Residenten Mr. Vincenti etliche mahl besucht und mit ihme gespeist", siehe Bernoulli, Nicolaus I, Reisebüchlein (UB Basel, Ms L Ia 26). Der hier erwähnte Brief von Nicolaus I Bernoulli war eventuell an seinen Vater gerichtet und konnte bisher nicht nachgewiesen werden.
- ↑ Antoine Parent (1666-1716). Zur umstrittenen Persönlichkeit von Parent siehe die Bemerkungen in Bernard le Bovier de Fontenelles Eloge de M. Parent, in: Hist. Paris, 1716 (1718), pp. 88-93.
- ↑ Auf der Rückseite von p. 69 findet sich der Rest der Briefadresse.
Zurück zur gesamten Korrespondenz