Bernoulli, Johann I an Wolff, Christian (1714.07.04)
|
|
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Wolff, Christian, 1679-1754 |
| Ort | Basel |
| Datum | 1714.07.04 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 671, Nr.5 |
| Fussnote | |
Viro Pereximio atque Celeberrimo
Christiano Wolffio
S. P. D.
Joh. Bernoulli.
Committere non potui Vir Humanissime, quin hanc occasionem arriperem scripturus ad Te literulas hasce prolixae meae in Te voluntatis nuncias. Qui eas Tibi reddet Dn. Krügerus Hanoveranus[1] Vir ut videtur egregius Te de facie novit atque multa de rerum Tuarum statu deque vexationibus Thomasianis[2] mihi narravit: sed nosti proverbium, Ars non habet osorem nisi sui ignorantem, cujus veritatis non ignarus memini quantum olim et ego in Belgio in statione mea decennali passus fuerim ab istius modi hominibus qui odio perciti in nostras quas profitemur scientias nulla non occasione bile sua acerbissima me consperserunt.[3] Gratum fuit intelligere ex nuperrimis Tuis quod libellum meum Gallicum acceperis,[4] atque gratius multo quod promittas Te eum lecturum esse, modo Tibi supersit, quod vehementer opto, aliquot horularum otium: ea re tamen esse puto ut hic communicem sphalmata typographica post impressionem demum mihi animadversa,[5] irrepserunt incuria partim typothetae partim Correctoris qui cum corrigeret plagulas non habuit ante oculos figuras utpote in manibus Chalcographi tum temporis versantes.
Quae in Actis vestris Lips. mihi vindicastis ex occasione recensionis Novae operis Newtoniani editionis[6] equidem nondum vidi. In nuperis meis ad Cl. Menkenium litteris[7] petebam Acta quae Bibliothecae nostrae Publ. et mihi desiderabantur, nempe omnia quae post mensem Majum 1712, et post Sect. IV. Tom. V. supplem. hucusque prodierunt. Rescripsit Menkenius[8] se quod meas litteras cum schediasmate meo[9] Tibi transmisisset non probe memorem fuisse quod ego petierim, sibi tamen in animo obversari quasi menses inde a Majo 1713 desiderarim, quos ideo etiam Mercatori nostro tradidit ad nos deferendos, ita ut integer annus a Majo 1712 usque in eundem 1713 nobis sit emansurus, nisi Mercator noster (quod ab eo petii) mature satis Cl. Menkenium ea de re per litteras monuerit: quod num factum sit, me si cupias obstringere, ex illo resciscas atque si forte intermissum esset illum de hac re moneas et urgeas cum plurimae salutis a me denunciatione. Quod superest Vale Vir Excellentissime et me amare perge.
Dabam Basileae a. d. IV. Julij MDCCXIV.
Fussnoten
- ↑ Bisher nicht identifiziert.
- ↑ Christian Thomasius unterstützte die halleschen Pietisten und sah seine philosophische Methode im Gegensatz zu der von Christian Wolff. Unter seinen Anhängern taten sich später als Gegner Wolffs besonders Joachim Lange (1670-1744) und Christian August Crusius (1715-1775) hervor. Siehe Gerlach, Hans-Martin, Eklektizismus oder Fundamentalphilosophie? Die alternativen Wege von Christian Thomasius und Christian Wolff im philosophischen Denken der deutsche Frühaufklärung an der Universität Halle, in: Gerlach, Hans-Martin (ed.), Christian Wolff - seine Schule und seine Gegner, (= Aufklärung, Jg. 12., Heft 2, Hamburg 1997, pp. 9-26], sowie Döring Detlef, Der Wolffianismus in Leipzig, Anhänger und Gegner, in: Gerlach, Hans-Martin (ed.), Christian Wolff - seine Schule und seine Gegner,(= Aufklärung, Jg. 12., Heft 2, Hamburg 1997, pp.51-76].
- ↑ Johann Bernoulli bezieht sich auf die Anklagen der Groninger Theologen, die ihn des Spinozismus verdächtigt hatten. Zu Bernoullis Streit mit den Groninger Theologen siehe MacLean, J., Science and theology at Groningen University (1698-1702), in: Annals of science, 29:2 (1972), pp. 187-201.
- ↑ Bernoulli, Johann I Op. XCI, Essay d'une Theorie de la Manoeuvre des Vaisseaux, Basle 1714.
- ↑ Die beigelegte Druckfehlerliste ist nicht erhalten.
- ↑ [Wolff, Christian], Rezension von Newton, Isaac, Newton, Isaac, Philosophiae naturalis Principia mathematica. Editio Secunda Auctior et Emendatior, Cantabrigiae 1713., in: AE Martii 1714, pp. 131-142.
- ↑ Johann I Bernoulli an Johann Burkhard Mencke von 1714.03.27.
- ↑ Die Briefe von Johann Burckhard Mencke an Johann I B. sind nicht überliefert.
- ↑ Bernoulli, Johann I Op. XCVI, Meditatio de natura Centri Oscillationis .... Der Text wurde von Johann I Bernoulli mit seinem Brief von 1714.03.27 an Johann Burckhard Mencke gesandt.
Zurück zur gesamten Korrespondenz