Bernoulli, Johann I an Scheuchzer, Johannes (1707.11.09)
|
|
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Scheuchzer, Johannes, 1684-1738 |
| Ort | Basel |
| Datum | 1707.11.09 |
| Briefwechsel | Bernoulli, Johann I (1667-1748) |
| Signatur | ZB Zürich. SIGN: Ms H 321a, Nr. 4, pp. 11-12 |
| Fussnote | |
Clarissimo et Doctissimo Viro
Johanni Scheuchzero
S. P. D.
Joh. Bernoulli
Male sit insultibus illis et horroribus febrilibus qui aggressionem Tui itineris Basileensis si non annihilarunt saltem distulerunt: interim spe lactamur Te optimae sanitati restitutum vere appetente Tui copiam nobis praebiturum. Non putem calculum nostrum differentialem et Geometriam subtilem dolorem capitis cuipiam excitasse, ausim e contrario asserere aliud contra cephalalgiam non dari melius remedium hoc ipso calculo; ei enim quotiescunque me firmiter applico, doloris statim cujuscunque obliviscor; usque nimirum adeo discimus sensibus nostris silentium imperare, si mentem armavimus meditationibus abstractis quas suppeditat profundior nostra Geometria. Caeterum Verzaglia Bononiensis Vir acutus et Cl. Tuo Fratri[1] ni fallor notus mihi nuper significavit se pariter ineunte vere ad nos migraturum ut aliquot hic menses transigat et a me (sicuti sperat) nonnihil ediscat.[2] Insignem hic habebis occasionem prosequendi laudabile Tuum institutum de colligendis graminibus, lapidibus item figuratis, aliisque naturalibus quorum perfectam notitiam desideras, ut vel hoc nomine maturandum sit iter quo gramina quae mature satis hic propullulare solent praevenias. Quod reliquum est vale et ama Vir Clarissime Tuum ad omnia paratissimum.
Dabam Basileae a. d. 9. IXbris MDCCVII.
P. S. Clarissimo Fratri ni grave sit dicas quaeso meis verbis salutem officiosissimam.
Fussnoten
- ↑ Johann Jakob Scheuchzer (1672-1733).
- ↑ Verzaglia hielt sich vom Sommer des Jahres 1708 bis Ende 1709 als Schüler und Gast bei Johann I Bernoulli auf. Siehe Nagel, Fritz,Johann Bernoulli und Giuseppe Verzaglia. Monstrum Italicum aut Basiliense, in: Basler Zeitschrift für Geschichte und Altertumskunde, 91 (1991), pp. 83-105.
Zurück zur gesamten Korrespondenz