Wolff, Christian an Bernoulli, Johann I (1745.05.08)
|
|
| Kurzinformationen zum Brief mehr ... | |
|---|---|
| Autor | Wolff, Christian, 1679-1754 |
| Empfänger | Bernoulli, Johann I, 1667-1748 |
| Ort | Halle |
| Datum | 1745.05.08 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 671, Nr.59* |
| Fussnote | Alte Bleistiftnummer 60 gestrichen |
Viro Amplissimo atque Celeberrimo
Dn. Joanni Bernoulli,
Mathematico eminenti,
S. P. D.
Christianus Wolfius.
Te bene adhuc valere, spero atque opto. Accipes, Vir celeberrime, una cum hisce literis Tomum quintum Systematis Juris naturae,[1] quod adornare coepi. Servet Te Deus, ut, qui posthac adhuc sequentur, oculis tuis subjicere valeam. Opus enim diffusum est, ut plura volumina addenda sint, antequam ad finem perduci possit, quemadmodum ex iis satis intelligitur, quae in praefationibus subinde monui. Puto Te vidisse Astronomiam nauticam Cel. de Maupertuis, in qua Astronomiae partem sphaericam ad formulas algebraicas revocat,[2] missa Trigonometria sphaerica hactenus usu recepta. Forsan vero optandum foret, ut formulae istae ad communem usum magis aptarentur, ut eadem facilitate adhiberi possent, qua hactenus solutiones trigonometricae gavisae sunt.
Nuperrime Wittebergae Georgius Fridericus Baermannus, Lipsiensis, Auditor quondam meus Marburgi, cum Professionem Mathematum inferiorum auspicaretur, programma edidit,[3] in quo demonstrationem exhibuit Theorematis Newtoniani in Algebra p. 251 edit. Lond. A. 1707,[4] cujus Te demonstrationem invenisse scribis in excellentibus operibus tuis Tomo IV p. 122.[5] Usus est methodo incrementorum, qua ex aequatione incrementali invenitur aequatio integralis. Sed doleo, demonstrationem tuam non insertam esse operibus tuis. Vale et me ama.
Dabam Halae Saxonum d. 8 Maji. 1745.
Fussnoten
- ↑ Wolff, Christian, Jus naturae methodo scientifica pertractatum. Pars quinta, de contractibus onerosis reliquis, quasi contractibus, modis tollendi obligationem ex contractu, et de jure in re sua alteri constitutio, veluti pignore, hypotheca et servitutibus, Halae Magdeburgicae (Renger) 1745.
- ↑ Maupertuis, Pierre Louis Moreau de, Astronomie nautique: ou élémens d'astronomie, tant pour un observatoire fixe, que pour un observatoire mobile, Paris (Imprimerie royale) 1743.
- ↑ Bärmann, Georg Friedrich, Programma theorematis algebraici demonstrationem exhibens. Orationi, qua clementissime sibi demandatam professionem mathematum inferiorum publicam ordinariam D. XXIII. Aprilis auspicabitur praemissum a Georgio Frider. Baermanno L.A.M., Vitembergae (E. G. Eichsfeld) [1745].
- ↑ Newton, Isaac, Arithmetica universalis; sive de compositione et resolutione arithmetica liber. Cui accessit Halleiana aequationum radices arthmetice inveniendi methodus. In usum juventutis academicae, Cantabrigiae (Typis academicae) 1707, p. 251.
- ↑ Bernoulli, Johann I Op. CLII, in: Opera t. IV, p. 22 (§ VIII).
Zurück zur gesamten Korrespondenz