Wolff, Christian an Bernoulli, Johann I (1737.06.11)
|
|
| Kurzinformationen zum Brief mehr ... | |
|---|---|
| Autor | Wolff, Christian, 1679-1754 |
| Empfänger | Bernoulli, Johann I, 1667-1748 |
| Ort | Marburg |
| Datum | 1737.06.11 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 671, Nr.54* |
| Fussnote | |
Viro Amplissimo atque Celeberrimo
Dn. Joanni Bernoulli
Mathematico Eminenti,
S. P. D.
Christianus Wolfius.
Cum Tibi, Vir celeberrime, non displicuerit Tomus prior Theologiae naturalis[1]; nec displiciturum confido posteriorem[2], in quo ardua quaedam dogmata adduntur, quae in priore non habentur, et erronea de Deo dogmata confutantur. Tuum erit judicium, num singula eo rigore demonstrata fuerint, qui in tam arduo argumento exigitur. Longe igitur gratissimum facies, si id me ignorare non permiseris. Absolvi bono cum Deo Metaphysicam[3]: sed maxima pars operis philosophici adhuc restat, in quo elaborando pergam, quamdiu Deus vitam et animi corporisque vires conservare voluerit. Adversarii mei a Langio,[4] hoste infensissimo excitati, nunc tela adversus Reinbeckium,[5] Praepositum Berolinensem, detorquent, quod causam meam egerit: sed nonnisi centies dicta repetunt et sciamachi cum larvis suis pugnant. Vale et fave.
Dabam Marburgi Cattorum d. 11 Jun. 1737.
Fussnoten
- ↑ Wolff, Christian, Theologia naturalis methodo scientifica pertractata. Pars prior, integrum systema complectens, qua existentia et attributa Dei a posteriori demonstrantur, Francofurti et Lipsiae (Renger) 1736.
- ↑ Wolff, Christian, Theologia naturalis, methodo scientifica pertractata. Pars posterior, qua existentia et attributa Dei ex notione entis perfectissimi et natura animae demonstrantur et atheismi, deismi, fatalismi, naturalismi, spinosism aliorumque de Deo errorum fundamenta subvertuntur, Francofurti et Lipsiae (Renger) 1737.
- ↑ Es handelt sich wohl um die sogenannte "Deutsche Metaphysik", d.h. um Wolff, Christian, Vernünfftige Gedancken von Gott, der Welt und der Seele des Menschen, auch allen Dingen überhaupt, den Liebhabern der Wahrheit mitgetheilet, Halle (Renger) 1720, oder um Wolff, Christian, Philosophia prima sive Ontologia methodo scientifica pertractata, qua omnis cognitionis humanae principia continentur, Francofurti et Lipsiae (Renger) 1730.
- ↑ Joachim Lange (1670-1744).
- ↑ Johann Gustav Reinbeck (1663-1741).
Zurück zur gesamten Korrespondenz