Scheuchzer, Johannes an Bernoulli, Johann I (1708.09.09)
|
|
| Kurzinformationen zum Brief mehr ... | |
|---|---|
| Autor | Scheuchzer, Johannes, 1684-1738 |
| Empfänger | Bernoulli, Johann I, 1667-1748 |
| Ort | Zürich |
| Datum | 1708.09.09 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 668, Nr. 21* |
| Fussnote | |
Vir Celeberrime, Fautor Honoratissime.
Gaudeo Te ex usu Thermarum melius habere, mihique ipsi gratulor, imo toti orbi Literario; Idem testatur Hermannus, Patavinus nunc, cui reconvalescentiam Tuam significavi.[1] Sic est Fautor optime, maximam quantitatem habemus cespitum bituminosorum, quos communiter Torff, vel turff vocant; habemus amplissima prata paludosa, quae Terrae istius copiam praebent immensam, eamque vel Leidensi (quae Hollandis optima audit) aequiparandam; non solum hoc in Terris nostris sive Tigurinis observabile est, sed per integram Helvetiam; et anno priori in summis Alpium Rhaeticarum Iugis eandem observavi; quae vel maximo commodo ab Alpicolis adhiberi posset Loco Lignorum, quae ab imis radicibus dorso imposita in vertices portare coacti sunt, maximo eorum incommodo; cum notum sit arbores, i. e. Abietes, Pinos, fagos, etc. ad certam quandam et determinatam saltem altitudinem crescere, ultra quam nuda conspiciuntur et rogentia Iuga; Imo ex hoc ipso fundamento hariolari peregrinantes possunt, quantum mons unus alterum altitudine excedat. Interim nos premit circa cespites eosdem difficultas sequens ex qua forsitan Tu nos extricabis. Lis est apud nos de tempore, quod pro exsiccatione sua plenaria, ita ut ad usum sint accommodi, requirunt, sunt qui annos duos requirunt, sunt alij, qui unicam aestatem ponunt, Tu si quaedam nosti hac de re observata, eorum communicatione nos Tibi obstringes, imo ipsum Publicum gaudio afficies. De Villemotio nunc aliquid scribere non vacat;[2] quo magis eundem Librum lego, eo mihi dogmata sua videntur magis probata difficilia, nunc ad manus meas non est, eundem tamen proxime ad Te mittam cum quibusdam postulatis, quem commodo Tuo eundem mihi remittere poteris. Video ex computo Tuo Tuum meumque debitum, invenio ex valore indigitato me Tibi debere pro ratione 6½ Librarum flor. 36 crucig. 54 valoris Tigurini, sive Ludovicos argenteos 19 et 86 crucig. his accedit debitum pro charta 12 floren. vestratium sive 6 Ludovic. argent. sive flor. 11 crucig. 12 nostratium.
| flor. | crucig. | ||
| Integrum igitur debitum meum ascendit ad: | 48 | 8 | |
| Inde subtraho debitum Tuum | 34 | - | |
| Restant Tibi solvendi floreni | 14 | 8 |
qui faciunt Ludovicos argent. 7 et crucig. 64 quos hic adjunctos habe, quorum receptionem proximis a Te rescire gratum erit: Si quae sint quae in hisce oris Tibi grata facere possim jube. His vale et amare perge Celeberrimi Nominis Tui Cultorem devotum Joh. Scheuchzerum D.rem
Raptim Tiguri d. 9. 7bris 1708.
Fussnoten
- ↑ Johannes Scheuchzer an Jacob Hermann von 1708.08.04 (dieser Brief ist anscheinend nicht erhalten) und Jacob Hermann an Johannes Scheuchzer von 1708.08.25.
- ↑ Villemot, Philippe, Nouveau système, ou nouvelle explication du mouvement des planètes. ..., Lyon (L. Declaustre) 1707.
Zurück zur gesamten Korrespondenz