Hermann, Jacob an Scheuchzer, Johann Jakob (1706.02.27)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1706.02.27 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.265-266 |
| Fussnote | |
Vir Celeberrime, Fautor et Amice honoratissime.
Non nisi maximo cum dolore Doctiss. Dn. Fratrem ex hac nos omnes dimittimus urbe[1] quotquot sumus quibus aliquam cum Eo necessitudinem contrahere contigit; mihi vero praeprimis tam cari tamque suavis Amici praeceps adeo profectio acerba accidit, cujus frequentiori atque ulteriore consortio nihil optabilius mihi evenire potuisset; et cum praegnantes haud dubie causae obstent quo minus precibus nostris, ut diutius nonnihil inter nos commoraretur, expugnari potuerit, id tamen mihi restat solatii, eadem me esse dignaturum amicitia absentem qua me arcta complectebatur familiaritate praesentem: debitis ei laudibus nunc recensendis supersedeo, Tibique potius gratulor ex animo de Doctoris titulo et dignitate quae Cl. Fratri nudius tertius magno suo merito fuit collata,[2] faxit Deus ut reliqua ejus conamina non minus ac Tua ex voto semper succedant. Suam Disputationem inauguralem de Usu Historiae Naturalis[3] eleganter a se conscriptam cum applausu totius Auditorii defendit, atque in ipso Doctoratus actu Miseros illos Ciniflones et Auri sacra fame laborantes Alchymistas[4] salse et argute perstrinxit. Sed instat hora qua proficisci Clariss. Frater constituit, quapropter non nisi paucas[5] hasce lineolas hac vice deproperare mihi licuit, hisce vale, et me ama Celeberrimi nominis Tui Cultorem perpetuum I. Hermannum
Basileae 27 Febr. 1706.[6]
Fussnoten
- ↑ Johannes Scheuchzer hielt sich 1706 zum Studium der Medizin in Basel auf.
- ↑ Johannes Scheuchzer ist am 25. Februar 1706 in Basel zum Dr. med. promoviert worden.
- ↑ Scheuchzer, Johannes, Dissertatio inauguralis medica de usu historiae naturalis in medicina, quam ... pro summis in medicina honoribus et privilegiis doctoralibus rite legitimeque consequendis, publico eruditorum examini submittit Iohannes Scheuchzerus, Helv. Tigurinus. Ad diem 20. Febr. anni MDCCVI ..., Basileae (J. Bertsche) 1706.
- ↑ Offenbar hatte Johannes Scheuchzer bei der Verteidigung seiner Dissertation die mit hohem Anspruch auf Kompetenz auftretenden, jedoch lediglich von Geldgier getriebenen Vertreter einer veralteten, d.h. ohne naturwissenschaftliche Kenntnisse arbeitenden Medizin gegeisselt.
- ↑ Im Manuskript steht "paus".
- ↑ Das Datum steht im Manuskript auf der Seite oben rechts.
Zurück zur gesamten Korrespondenz