Bernoulli, Johann I an Poleni, Giovanni (1730.07.11)
[Noch keine Bilder verfügbar]
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Poleni, Giovanni, 1683-1761 |
| Ort | Basel |
| Datum | 1730.07.11 |
| Briefwechsel | Bernoulli, Johann I (1667-1748) |
| Signatur | BS UB, Handschriften. SIGN: L I a 675, fol.24 |
| Fussnote | |
Nobilissimo ac Celeberrimo Viro
Joanni Poleno
S. P. D.
Joannes Bernoulli
Etiamsi pro comparandis exemplaribus Lex. Moreriani[1] subscriptionum tempus jam diu expiraverit; attamen typographus ad sollicitationem meam non fuit difficilis. Acceptavit itaque abs me sex florenos Tuo nomine oblatos deditque vicissim apocham seu unius subscriptionis schedulam, quam si desideraveris, missurus sum; sed praestat meo judicio ut illa heic maneat, quia reddi debet quando traduntur exemplaria, tradentur autem tria priora Volumina sub initium anni proxime sequentis, sicuti spem facit Typographus. Ea quandocyus ad Te perferri curabo atque illis adjiciam quadam exemplaria (supersunt enim bene multa) Dissertationis, quam petis, Filii mei Danjelis de Respiratione, nec non alterius cujusdam Dissertationis de Orbitis Ellipticis Planetarum et mobilitate apheliorum qua nuper obtinui praemium ab Acad. Reg. Scient. propositum.[2] Haec quidem praelum nondum evasit, sed ut Parisiis mihi scribitur, evadet propediem. Possum quoque mittere, si nondum habes, Dissertationem aliam Filii mei, cujus forte mihi superest adhuc unum alterumve exemplum, de Perfectione Clepsydrarum in Navigationibus adhibendarum, qua pariter ante aliquot annos praemium reportaverat.[3]Vale.
Datum Basileae a. d. V. Id. Jul. MDCCXXX.
Fussnoten
Zurück zur gesamten Korrespondenz