Hermann, Jacob an Scheuchzer, Johann Jakob (1718.05.30)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Frankfurt (Oder) |
| Datum | 1718.05.30 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.403-404 |
| Fussnote | Siegelspuren |
Vir Celeberrime
Amice aestumatissime
Gratias ago maximas pro recentissimo benevolentiae Tuae erga me testimonio quod transmisso pererudito Meteorologiae Helveticae opere,[1] munere mihi gratissimo, exhibere voluisti, nihil magis in votis habens, quam ut mutua oblatione lucubratiuncularum mearum magnum tuorum in me meritorum cumulum utcunque demereri queam. Proximum a me proditurum opusculum[2] inserviet stabiliendo Illustris Leibnitii nostri p. m.[3] systemate dynamico, quod defendere conabor adversus nuperas Cl. Samuelis Clarkii objectiones. Gratulor Tibi plurimum felicem Lectionum Tuarum mathematico-Physicarum in sacram Scripturam[4] successum et non solum ut eo quo cepit moda diu duret sed etiam ut majora incrementa capiat animitus opto. Bernardus Nieuwentiit V. Cl. insigne opus edidit philosophicum super Theologiam naturalem quod belgico sermone conscriptum est et, titulum gerit Het regt gebruik der Werelt Bescheuwingen ter overtui ginge van ungodisten en ongelovigen 4.o[5] continet integrum fore sistema Physicum omniaque recentiorum reperta ad Theologiam naturalem applicata; hoc opus mihi demum ex Nundinis Francofurtensibus allatum est. Clariss. Fratrem Tuum Iohannem[6] plurimum salvere cupio et quam optime valere, quin et Tu quoque optime vale meque ut facis porro ama Celeberrimi Nominis Tui Cultorem perpetuum I. Hermannum.
Ffurticis Viadrum d. 30 Maji 1718.
A Monsieur
Monsieur Jean Jaques Scheuchzer tres Celebre
Docteur et Professeur et Membre des Societez Royales
d'Angleterre et de Prusse
A Zurich
Fussnoten
Zurück zur gesamten Korrespondenz