Hermann, Jacob an Scheuchzer, Johann Jakob (1710.11.01)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Padova |
| Datum | 1710.11.01 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.389-390 |
| Fussnote | |
Vir Celeberrime
Felicem in Patriam reditum ex Itinere Alpino[1] Tibi gratulor, Mappamque Tuam Comitatus Toggici[2] jam sculptoris manus subire laetus accepi, cujus si uno exemplari me beare dignaberis ubi in lucem prodierit, me Tibi valde devinctum habebis et omnibus id occasionibus demereri studebo. Persona cujus Cl. Frater Tuus[3] Biographiam Illustris Fontenellii[4] nomine quaerit, haud dubie erit Cel. Gulielminus[5] cum is membrum Academiae scientiarum fuerit. Iccirco jam hodie desideratam Biographiam recta Parisios misi. Spero Doctiss. Fratrem Tuum aut jam in Patriam adventasse aut non procul abesse.[6]
Utilem operam insumsisti experimentis tuis circa aeris elasticitatem[7] quae rei obscurae aliquid lucis affundere poterunt; ego in opusculo meo fluidorum pluribus etiam ago de hoc argumento, et demonstrative scio, quod si Maraldi aut Cassini progressio qualis in Commentariis prostat, obtinet aerem in extremis Atmosphaerae nonnisi sextuplo rariorem quam in superficie maris, tamen omni vi elastica destitui debere quod ubique paradoxum est. Itaque gratum mihi erit successum tuorum experimentorum nosse. Nudius tertius Cl. Morgagni Epistolam accepi quam hisce adjungere volui ut videas quid a me fieri desideret, id circo Te rogo ut mihi Tuam sententiam rescribere digneris. Cl. Nostro Vallisnerio salutem Tuam denuntiavi qui Te vicissim resalutari jussit. Vale et amare perge T. T.[8] I. Hermannum.
Patavii Cal. Nov. 1710.
Fussnoten
Zurück zur gesamten Korrespondenz