Hermann, Jacob an Scheuchzer, Johann Jakob (1708.06.16)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Padova |
| Datum | 1708.06.16 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.355-356 |
| Fussnote | |
Vir Celeberrime Amice honoratiss.me
Dn. Dn. Jamineau[1] et Rousseau[2] jussu eam pecuniae summam di 9 lire 9 soldi, qua hisce tenebaris, die octavo hujus mensis quodam Dn. Rizzi[3] pependi aut potius numerari curavi in hac urbe Patavina. Mediolano[4] jam literas accepi quibus certior fio fasciculum Tuum a Dn. Dn. Baveriis[5] Curia ulterius dimissum ibi foci appulisse, omnia avide admodum exspecto, imprimis autem ea quae de Piscium quaerelis conscripsisti[6] et Cl. Frater Tuus de Graminibus helveticis[7] pro quibus in antecessum gratias ago maximas; interim tamen mihi non dixisti quantum pecuniae erogaveris pro Moyvraeanis et Cheyneanis obtinendis, quapropter rogo ut ejus in proximis Tuis non obliviscaris, ut Tibi restitui possit summa. Verum est in statu Brixiensi[8] ditionis Venetae ingentem esse numerum, utpote ad 20000 aut 30000 accedentem, eorum qui Quietismo[9] aut Molinismo[10] addicti sint, quo autem modo tam celeriter atque late se diffuderit nova illa Doctrina nondum certo rescire potui; Interim Ex.mus Venetus Senatus Commissarios Brixiam[11] ablegavit, ut in hoc negotium accuratius inquirerent.[12] Haec sunt quae super hac re tecum communicare potui: Germanorum motus Circa Ferraram Romanae Curiae non nimium arridere videtur interim tamen secundum omnes apparentias toto huic negotio mysterium subest quod forsan tempus brevi explicabit. Tu interim vale et amare nunquam desine, Celeberrimi Nominis Tui Cultorem perpetuum I. Hermannum
Patavii d. 16 Iunii 1708.
Cl. Fratrem[13] quaeso a me officiose saluta.
Fussnoten
- ↑ $N
- ↑ $N
- ↑ $N
- ↑ $Kommentar Mailand
- ↑ $N
- ↑ $Bibliogr.
- ↑ $Bibliogr.
- ↑ $Kommentar$ Brescia.
- ↑ $Kommentar$ Der Quietismus ist eine Sonderform des christlichen Glaubens, die am Ende der 1670er und 1680er vordergründig in Frankreich, Italien und Spanien grosse Verbreitung gefunden hat. Kernaussage dieser Lehre ist dass der Mensch sein Ich völlig aufgeben soll, um danach in Gleichmut leben zu können. Das mündliche Gebet sowie äusserliche asketische Praktiken werden abgelehnt und mit dem inneren Gebet ersetzt.
- ↑ $Kommentar$ Der Molinismus ist eine vom spanischen Jesuit Luis de Molina (1535-1600) konzipierte Gnadenlehre, nach der das Zusammenwirken von göttlicher Gnade und freiem Willen die Rechtfertigung und auch die sittlichen Akte bedingt.
- ↑ $Kommentar$ Brescia.
- ↑ Der mailänder Priester Giuseppe Beccarelli (1666-1716) hatte in Brescia den Quietismus und Molinismus verbreitet und dafür eine grosse Anhängerschaft gefunden. Er wurde im Mai 1708 verhaftet und schliesslich 1711 zu einer lebenslangen Haftstrafe verurteilt. (Fritz Nagel)
- ↑ $N
Zurück zur gesamten Korrespondenz