Hermann, Jacob an Scheuchzer, Johann Jakob (1707.01.12)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1707.01.12 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.313-314 |
| Fussnote | |
Vir Celeberrime, Fautor et Amice honoratiss.me
Non est quod molestiam excuses nuperae distributionis Novorum Tuorum,[1] cum nulla mihi plane acciderit, quin potius summa cum voluptate quotiescunque occasio fert Tibi gratum facere studeo, certusque si velim me proxime ad Dn. Varignon[2] literas daturum circa ea quae a me exigis, ille facile habebit observationes Cassini Iunioris[3] cujus Praeceptor olim extitit. Curiosae haud dubie sunt observationes barometricae in summis Alpium Helveticarum cacuminibus a Te institutae, mireque mihi placuit descriptio barometri Tui portatilis quam in Ms.to Tuo Itineris helvetici[4] olim legi, quapropter rogo ut ejus delineationem quando vacabit mihi transmittere non recuses quandoquidem constructionis ejusdem haud amplius exacte recordor, quia in Manuscripto Tuo nulla adjecta erat ejusdem schema quod imaginationi imprimeretur. Mihi etiam propositum est simile Baroscopium construere quo Montium circa Urbem nostram existentium altitudines explorem. Baylii Lexicon[5] cum incluso Ludovico Aureo[6] proximo ni fallor die veneris accipies a veredario Iohane Schmid[7] qui heri abhinc discessit cum suo Mercium Plaustro. En Tibi nunc quoque Excerptum ex Hugenio[8] quod quia festinantissima manu est transcriptum errores calami facile ut spero condonabis, adjungo etiam longitudinem pollicis pedis Parisini in lineas suas, ut petis, divisi quo exactius Mensuras Parisinas ad Tigurinas reducere possis.[9] Quod autem circa negotium meum ad Clariss. Vallisnerium Patavium scribere voluisti gratias habeo,[10] avidissime expecto quid tandem rei futurum, et tota haec vocatio mihi non aliter ac inanis somnus nunc observatur. Clariss. enim Fardella[11] causabatur exercitus extraneos bonam Venetae ditionis in Terra firma occupantes, quod vocatio electionem meam nondum exceperit,[12] nunc autem ex quo exercitus et ingrati illi hospites abierunt, altum servat silentium nihilque amplius literarum ad me dat ex quo facile augurari possum negotium in longum adhuc protractum iri et forsan ad Calendas usque graecas duraturum esse, sextus enim jam agitur Mensis quod nullas plane literas Patavio acceperim. Ante sex circiter septimanas Patavium quoque scripsi[13] ut sciscitarer quonam in situ mea vocatio existeret id enim scire mea multum refert, sed de his satis. Cogitabam quoque Clariss. Fratri Tuo[14] scribere Harscheri nostri Professoris Marburgensis[15] nomine qui a me petiit[16] ut se apud Dn. Fratrem excusarem quod nullis literis discessum suum notum fecerit; is enim tam inopinato et tam praepropere proficisci debuit ut nullas ad Amicos literas dare potuerit; verum quia Tabellarii discessum jam instabat cum has clauderem, coactus sum proximam expectare occasionem qua[17] officio meo fungar, nunc autem rogo ut Illum meo nomine officiose salutes. Hisce Vale et, quod facis, Ama Celeberrimi Nominis Tui Cultorem addictissimum Hermannum
Dabam Basileae 12.o Ianuarii 1707.
Fussnoten
- ↑ Scheuchzer, Johann Jakob (ed.), Nova literaria Helvetica pro annis MDCCV et MDCCVI, Tiguri [Zürich] (M. Schaufelberger/Chr. Hardmeyer) 1706.
- ↑ Varignon, Pierre (1654-1722) $BIBB
- ↑ Cassini, Jacques (1677-1756). $BIBB
- ↑ $Kommentar$ bibliographieren. SG an Fritz: vielleicht handelt es sich um die im Brief J. J. Sch.s von 1704.01.26 59942 erwähnte Beilage.
- ↑ Bayle, Pierre, Dictionaire historique et critique ... Seconde édition revuë, corrigée et augmentée par l’auteur}, 3 voll., Rotterdam (R. Leers) 1702. Bayle, Pierre (1647-1706) $BIBB
- ↑ 1 Louis d'or.
- ↑ Johannes Schmid (Lebensdaten unbekannt), Bote $BIBB
- ↑ Auszug aus [Huygens, Christiaan], Traité de la lumière, où sont expliquées les causes de ce qui luy arrive dans la réflexion, et dans la réfraction. Et particulièrement dans l’étrange réfraction du cristal d’Islande. Par C. H. D. Z.} [Christiaan Huygens D. Zulichem] Avec un discours de la cause de la pesanteur, Leide (P. van der Aa) 1690. Siehe dazu Hermann an Johann Jakob Scheuchzer von 1707.01.05 60000.
- ↑ $Kommentar$ Fritz Zürcher Längenmasse. Siehe dazu evtl. p. 5 in: http://www.google.ch/url?sa=t&rct=j&q=&esrc=s&source=web&cd=1&ved=0CB4QFjAA&url=http\%3A\%2F\%2Fwww.bindschedler.name\%2Ffileadmin\%2Fredaktorfiles\%2Fwissenschaftliche_historie\%2FHMB_Masse_und_Gewichte_in_Stadt_und_Kanton_Zuerich.pdf&ei=XLgjVci2BMyuUezXgTA&usg=AFQjCNH2XaIROUwUBq3tsaRez4Up7tFfdg&bvm=bv.89947451,d.ZGU
- ↑ $Kommentar$ Dieser Brief von Johann Jakob Scheuchzer an Antonio Vallisneri konnte bisher nicht nachgewiesen werden. Der letzte Brief, der im Briefinventar der Edizione nazionale delle opere di Antonio Vallisneri von Johann Jakob Scheuchzer an Vallisneri verzeichnet ist, ist auf [1706].10.14 datiert. In der Handschrift (http://155.253.12.19/Vallisneri/foto.jsp?oid=1985572) habe ich jedoch heinen Hinweis auf Hermanns Berufung gefunden. Mehr Informationen evtl. in: A. Vallisneri, Epistolario (1679-1710), vol. I, a cura di Dario Generali, Milano, Franco Angeli, 1991. Band befindet sich in der Medizinhistorischen Bibliothek Bern und ist per Fernleihe nicht auszuleihen. http://aleph.unibas.ch/F/737RS4ALS9SRKH2PTURDR2VQMV53UMGJJAFR4J83N2HP142E2T-07487?func=item-global&doc_library=DSV01&doc_number=001288451&year=&volume=&sub_library=B583
- ↑ Fardella, Michelangelo (1650-1718) BIBB
- ↑ $Kommentar$ Berufung Hermann.
- ↑ $Kommentar$ Hermann an Fardella?
- ↑ Johannes Scheuchzer $BIBB
- ↑ Harscher, Nikolaus (1683-1742) $BIBB
- ↑ $Kommentar$ Ein Brief Harschers an Hermann ist nicht überliefert.
- ↑ $Kommentar$ Der Einschub "quia Tabellarii ... occasione qua" findet sich am Schluss des Briefs.
Zurück zur gesamten Korrespondenz