Bernoulli, Johann I an Scheuchzer, Johann Jakob (1714.05.09)
|
|
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1714.05.09 |
| Briefwechsel | Bernoulli, Johann I (1667-1748) |
| Signatur | ZB Zürich. SIGN: Ms. H 318, pp.59-60 |
| Fussnote | |
Viro Celeberrimo et Doctissimo
Joh. Jac. Scheuchzero
S. P. D.
Joh. Bernoulli
Nimiis pene laudibus obruis libellum meum qualemcunque de Manuaria nautica;[1] si vel centesimam earum partem mereretur, jam habere me putarem de quo mihi gratularer: equidem non careo de rep. litteraria bene merendi voluntate et conatu, an vero scopum attigerim vix est ut credam, neque tantum laudis mihi attribuam: Forte aliquid de me praesumere mihi liceret, si vestigia Tua premendo Te assequi possem, sed hoc nec a viribus meis nec a diligentia mea, quae proh pudor nimis quandoque deficit, unquam impetrabo. Enchiridion Tuum Mathematicum[2] accepi, pro quo gratias debitas refero; eam utique utilitatem habere deprehendo, ut quis in docendo filum certum sequi possit; miror qui tam paucis pagellis tam multa complecti potueris,[3] negandum non est, consummatissimum fore mathematicum qui omnes quarum Titulos refers materias sibi familiares reddidit, sed dubito an quispiam reperiatur qui tantum possideat scientiae thesaurum in eminentiori perfectionis gradu. Devinxisti et delectasti me plurimum narratione fatorum Tuorum quae tam optatum exitum nacta fuerunt, invitis adversariorum technis et insidiis: interim nesciveram tantam apud Vos esse mathematicorum farraginem, ut decem Medici simul ad mathesin docendam sese obtulerint; nosse percuperem quis ille sit cujus nomen celasti, qui ut videtur inter adversarios Tuos funem ducit, et Tuis conatibus semper obstitit quam maxime; nollem vero importune sciscitando molestus esse, si nomen dissimulandi causam habes.[4] Caeterum gratias habeo quod in Enchiridio Tuo mentionem facias libelli mei nimis honorificam.[5] Vale
Dabam Basileae a. d. IX Maij 1714.
P. S. Salutem quaeso meis verbis dicito Cl. Tuo Fratri, si ipsi grave non esset rogarem illum, ut mihi proxime mittat a Dn. Socero suo[6] emendum ein Stuck krausen crepon welcher schön schwartz und fein seye, qualem et olim mihi misit, pretium indicatum sine mora remittam magna cum gratiarum actione.
Fussnoten
- ↑ Bernoulli, Johann I, Essay d'une nouvelle Theorie de la Manoeuvre des Vaisseaux ..., Basel (J. G. König) 1714 (= Op. XCI).
- ↑ Scheuchzer, Johann Jakob, Enchiridion mathematicum ..., Tiguri (H. Bodmer) 1714.
- ↑ Scheuchzers Enchiridion umfasst 40 Seiten und gibt lediglich einen Überblick über die Namen und Inhalte der Teilgebiete der mathematischen Wissenschaften.
- ↑ Der Name seines Gegners war im letzten Brief von Scheuchzer durch Pünktchen ersetzt worden. Aus Scheuchzers Antwort von 1714.05.12 geht hervor, dass es sich um Johann Jakob Hottinger (1652-1735) handelt.
- ↑ Scheuchzer erwähnt in seinem Enchiridion auf p. 40 Johann Bernoullis Essay d'une nouvelle Theorie de la Manoeuvre des Vaisseaux ... als ein "specimen exquisitissimi gustus et usus" für die Architectura navalis.
- ↑ Scheuchzers Bruder Johannes war seit 1706 in erster Ehe mit Anna Magdalena, Tochter des Wilhelm Schinz, verheiratet.
Zurück zur gesamten Korrespondenz