Scheuchzer, Johann Jakob an Bernoulli, Johann I (1714.04.01)
|
|
|
|
| Kurzinformationen zum Brief mehr ... | |
|---|---|
| Autor | Scheuchzer, Johann Jakob, 1672-1733 |
| Empfänger | Bernoulli, Johann I, 1667-1748 |
| Ort | Zürich |
| Datum | 1714.04.01 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 667, Nr. 27* |
| Fussnote | |
Vir Celeberrime
Fautor honoratiss.me
Pro duplici munere, eoque auro contra chariorem, duplex hic habe responsum. Legam specimen Ingenij Tui penetrantissimi[1] omni qua potero applicatione simul et admiratione. Id ante placet, quam lego, quod materiam aggrediaris, quam sibi solis arrogare jure queas: viciniae et patrio videntur Mathematici illi littorales et marini, a maris commercio ipse remotus; sic et fluctus, et ventos, et naves, Tuo mensuras acumine, sic Nationes littorales et transmarinas, qua orbis patet, Tibi devincis: id porro, quod a supremo subtilissimae Matheseos culmine descendis ad usus speciales, imo specialissimos; sic osores illos, ignorantiae pariter et invidiae fratres, confundis, qui Mathesin, et speciatim Algebram in mera curiositate, ab hominum usu remotas, locant, id quod fecisti jam olim eleganti Tuo de Motu Musculorum diatriba.[2] Pergo, ne nimius videar in laudibus Tuis, ubi non possum unquam esse nimius, ad alteram Epistolae Tuae partem, quae me spectat et Fata mea. Est omnino, quod inter portenta referas miraculosa quae contigerunt in hoc meo negotio; si consideres res Magistratum inter et cives anteactas, si Cleri nostri erga Mathesin animum a longo tempore alienum, si ejusdem in animos procerum influxum, si pontem aureum quem abituro in Russiam fabricabat Ampliss. Magistratus Decreto, quo etiam absenti conservabat salarium hactenus fixum tum qua Professori, tum qua Poliatro, quam fabricam haud aegre viderunt multi τῶν δεῖνα. Si denique noveris, adversarios me habuisse et in nuperae promotionis Muraltianae negotio[3] 10 Medicos protestantes, seseque ad Mathesin docendam offerentes, licet nemo illorum Mathesin unquam studuerit: quaeris abs me, Amice, quonam miraculo tanta contigerit rerum catastrophe; et tanta quidem quae 200 virorum unanimi nititur sententia? En quonam? Post Divinam quam adoro Providentiam, ut primum omnium rerum movens, allego Procerum multorum conceptam dudum Lycei nostri Reformationem, quam et ego hactenus contra ...[4] omni urgebam conatu, singularem quorundam erga studia mea et personam amorem et protectionem et contra .... zelum, Scholae ipsius Scholasticam nimis faciem, quae omnium obversatur oculis, ...... nimium me deprimendi conatum, multas satis pecunias studijs meis subsidiarias, quas in specie pro excolenda Hist. Nat. Helv.[5] large satis et generose impenderat maxima sui laude Magistratus Ampl. qualem qualem meam apud exteros existimationem, populi applausus et de non dimittendo multas interpellationes, modum tandem quo rem gessi ad abeundum vel manendum adiaphorum. Id hoc tibi solatio sit, quod et mihi est, quod Mathematicae scientiae per seculi pene decursum oppressae, et tantum non confinijs Scholae exterminatae respirare incipiant; adsignatae quippe a Magistratu ipso tres per hebdomadam horae, quibus publice docendum mihi est. Ut autem tanto felicius huic expectationi respondere possim, ad prelum paro Enchiridion Mathematicum,[6] quod non tam studiosis inserviet pro informatione, quam mihi pro methodo. Non miraberis autem, si invenies vulgatissima quaeque, utpote captui et meo et juventutis et civitatis amathematicae accommoda. His vale Vir humanissime et amare perge Celeb.mi Nominis Tui cultorem perpetuum J. J. Scheuchzer
Tiguri. d. 1. Apr. 1714
Fussnoten
- ↑ Scheuchzer bezieht sich auf Bernoulli, Johann I, Essay d'une nouvelle Theorie de la Manoeuvre des Vaisseaux ..., Basel (J. G. König) 1714 (= Op. XCI).
- ↑ Bernoulli, Johann I, Q.[uod] F.[elix] F.[ortunatum] Q.[ue] S.[it] Dissertatio Inauguralis Physico-Anatomica De Motu Musculorum Quam Consensu Gratiosissimi & Amplissimi Medicorum Ordinis In Universitate Patria Pro summis in Arte Medica Honoribus & Privilegiis Doctoralibus rite capessendis Publice examinandam offert Ad d. 16. Martii MDCXCIV. L.[oco] H.[oris] Q.[ue] S.[olitis] Johannes Bernoulli, Basil., Basileae (J. C. von Mechel) 1694 (= Op. XVIII).
- ↑ Was die Zuteilung der vollen Professur für Mathematik und Physik am Carolinum an Johannes von Muralt (1645-1733) anbelangt, siehe Johann Jakob Scheuchzers Brief an Johann I Bernoulli von 1714.02.05.
- ↑ Hier und im Folgenden wurde ein Personenname durch Punkte ersetzt. Aus dem nächsten Brief Scheuchzers geht hervor, dass es sich um Johann Jakob Hottinger (1652-1735), Sohn von Johann Heinrich Hottinger (1620-1667), handelt. Johann Jakob Hottinger war seit 1698 Professor für Altes Testament in Zürich und Verfasser zahlreicher polemischer Schriften.
- ↑ Scheuchzer, Johann Jakob, Helvetiae stoicheiographia, orographia, et oreographia. Oder Beschreibung der Elementen, Grenzen und Bergen des Schweizerlands (Natur-Histori des Schweitzerlands, Teil 1), Zürich (H. Bodmer) 1716.
- ↑ Scheuchzer, Johann Jakob, Enchiridion mathematicum ..., Tiguri (H. Bodmer) 1714.
Zurück zur gesamten Korrespondenz