Bernoulli, Johann I an Scheuchzer, Johann Jakob (1711.01.21)
|
|
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1711.01.21 |
| Briefwechsel | Bernoulli, Johann I (1667-1748) |
| Signatur | ZB Zürich. SIGN: Ms. H 318, pp.29-30 |
| Fussnote | P.30 ist leer |
Celeberrimo et Eruditissimo Viro
Joh. Jacobo Scheuchzero
S. P. D.
Joh. Bernoulli
Hesterna demum luce accepi Praelectionem Tuam,[1] cujus autographum ut innuis jam ante aliquot hebdomadas mihi destinatum periit sive Tabellarii incuria sive malevolorum insidiis; Eadem statim qua accepi hora legi summa cum voluptate hanc Tuam praelectionem, video Te libere et mascule, ut decet Virum cordatum, veritatem defendere; Battierius noster Medicus laudabili Tuo exemplo Copernicanismum publice nuper asseruit in Disputatione de mundo,[2] quam quod forte nondum vidisti hic Tibi mitto, fuerunt quidem inter Theologos qui jamjam grunnire incipiebant, sed inter eosdem pars sanior (inprimis Cl. et Rev. noster W.[3]) praevaluit, et ita imperitiores ne hiscere quidem ausi. Quod nunc ad Lectionem Tuam attinet, eam quam maxime publica luce dignam censeo, sed cum inter Bibliopolas et Typographos nostros neminem invenias, qui eam suis sumtibus imprimere voluerit, omnes quippe ita animati ut nihil suscipiant, nisi videant praesentissimum lucrum; quaeritur an Tu ipse sumtus necessarios in hanc rem erogare velis? de caetero vero operam meam in corrigendum Typothetam lubentissime commodabo, curaboque ut nitide et accurate impressa praelum evadat: quod si ita placuerit, mittas mihi Titulum Lectioni praefigendum, et dicas num locum et nomen Typographi expressum velis, item quam chartam, communem-ne an puriorem cupias. Interim vale et amantissimum Tuum Fratrem, quem a febre sua liberatum spero, plurimum salvere jube.
Dabam Basileae ad d. XXI. Jan. 1711.
Fussnoten
- ↑ Zu Johann Jakob Scheuchzers Praelectio siehe den Kommentar im Brief von 1710.12.30.
- ↑ Battier, Samuel, Dissertatio philosophica de mundo, quam permissu sapientis Philosophiae Ordinis ad diem 12 Dec. praeside Samuele Battierio Ph. et Med. Doct. Gr. L. P. P. L. H. Q. S. publice ventilandam proponit Ioh. Rodolphus Miegius, Phil. Cand. et Med. Stud., Basileae (J. J. Battier) 1710.
- ↑ Samuel Werenfels (1657-1740), Professor des Alten und Neuen Testaments in Basel.
Zurück zur gesamten Korrespondenz