Hermann, Jacob an Scheuchzer, Johannes (1706.09.15)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johannes, 1684-1738 |
| Ort | Basel |
| Datum | 1706.09.15 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 347, pp.83-84 |
| Fussnote | Siegel. Am Fuss von p.83 "verte". PS auf p.84 |
Vir Celeberrime, Amice suavissime.
En Tibi mitto quae promisi Fontenellii opera[1] quae mihi pro thalero et medio in specie[2] ut ajunt concessit Ludovicus Koenig[3] cum contra Richterus[4] non aliter quam ultra trium florenorum[5] pretium divendere eadem soleat. Addidi Fontenellianis Dissertationem Cl.mi nostri Harscheri[6] mascule ab Ipso defensam una cum Catalogo Librorum novorum in Officina Koenigiana venalium quem mihi tradidit Koenigius[7] Tibi cum officiosa salute transmittendum. Harscherum heri convenire volui ast domi non inveneram quapropter salutem ipsi a Te denuntiare non potui quod tamen hodie fiet; Quod autem discessus Tui certiorem me facturus sis libenterque epistolas Tecum in Italiam ad Amicos ferre offeras plus satis amicum Tuum erga me ostendunt animum de quo mihi gratulatus sum hactenus, etiamnunc gratulor et deinceps gratulabor. Nullus pariter dubito quin Tibi admodum volupe sit veteres si occasio ferat, Amicos Bononiae[8] salutare egoque etiam de eo maximopere laetarer nam quantum ex Stancarii nostri literis[9] percepi plures ex Tuis Amicis Bononiensibus evaserunt quoque mei Fautores quae non contemnenda tuorum in me meritorum pars est. Cultum meum si placet defer Celeberr. Dn. Fratri[10] et Amare perge Tibi deditissimum Hermannum.
Raptiss.me Basileae 15 7bris 1706.
P. S. dum in eo essem ut Fasciculum quem ad Cl. Fratrem jussu Tuo direxi per ancillam Tabellario mitterem ecce advolat schedula amicissim[i] Harscheri mihi significans ipsum aliquot exemplaria suae Dissertationis[11] ad Te dedisse quod Te latere nolui ne mireris si eam quam Tibi me transmisisse in hac epistola dixi non obtineas utpo[te] quam mecum retinui unica quippe hac praeditus quamque Tibi impertiviss[em] si hoc incidens non intervenisset, aliudque postea exemplar ab Amico nostro petiissem. Gloxinus Tibi scripsit[12] Teque haud dubie sui discess[us][13] qui aut hac ipsa aut proxima septimana continget certiore[m] fecit.[14]
Fussnoten
- ↑ Möglicherweise handelt es sich um Fontenelle, Bernard le Bovier de, Oeuvres diverses. Les nouveaux dialogues des morts; Le jugement de Pluton, sur les deux parties des dialogues des morts, Amsterdam 1701.
- ↑ Der Speziestaler war eine Silbermünze mit dem Kopf- oder Brustbild eines Fürsten.
- ↑ Johann Ludwig König (1653-1711).
- ↑ Johann Philipp Richter (gest. 1706).
- ↑ Der Gulden (fl.) war eine Goldmünze.
- ↑ Harscher, Nicolaus, Disputatio medica inauguralis de tono ventriculi et intestinorum naturali et praeternaturali quam ... pro summis in arte medica honoribus, immunitatibus et privilegiis rite et legitime consequendis ad diem ... septemb. anni MDCCIV ... publico philiatrorum examini subiicit Nicolaus Harscherus, Basileae (J. Brandmüller) 1704.
- ↑ Dieser Brief Königs und der Katalog der in seiner Buchhandlung verfügbaren Titel konnten bisher nicht nachgewiesen werden.
- ↑ Zum Freundeskreis von Johannes Scheuchzer in Bologna gehörten z.B. die Brüder Gabriele (1681-1761), Eraclito (1682-1759) und Eustachio (1674-1739) Manfredi, sowie Luigi Ferdinando Marsili (1658-1730), Vittorio Francesco Stancari (1678-1709), Lelio Trionfetti (1647-1722) und Giuseppe Verzaglia (1669-1728) an.
- ↑ Die entsprechende Passage findet sich wohl im nicht mehr erhaltenen ersten Brief Vittorio Stancaris an Jacob Hermann, auf den Hermann mit seinem Brief von 1706.07.03 antwortet.
- ↑ Johann Jakob Scheuchzer (1672-1733).
- ↑ Harscher, Nicolaus, op. cit.
- ↑ Matthias Gloxin (1684-1738)
- ↑ Im Manuskript steht "dissess[us]".
- ↑ Beim Brief von Matthias Gloxin an Johannes Scheuchzer von 1706.09.01 handelt es sich um den letzten Brief an Scheuchzer vor Gloxins Abreise von Basel in seine Heimatstadt Strassburg.
Zurück zur gesamten Korrespondenz