Bernoulli, Johann I an Mencke, Johann Burckhard (1714.03.27)

[Noch keine Bilder verfügbar]

Kurzinformationen zum Brief       mehr ...
Autor	Bernoulli, Johann I, 1667-1748
Empfänger	Mencke, Johann Burckhard, 1674-1732
Ort	Basel
Datum	1714.03.27
Briefwechsel	Bernoulli, Johann I (1667-1748)
Signatur	BS UB, Handschriften. SIGN: L I a 674, fol.148
Fussnote	Es folgt im Konvolut als fo.149 unter dem Titel "In Actis Lips. a. 1713. m. febr. et Mart. corrigantur sequentia" ein Beiblatt (17 x 11 cm, eigenhändig) mit den Errata zu Op. XC, die Joh. B. bereits 1713 04 13 übersandt hat. Die erst danach entdeckten Corrigenda gibt Joh. B. im P.S. dieses Briefes an.

Viro Excellentissimo et Celeberrimo

Joh. Burchardo Menkenio

S. P. D.

Joh. Bernoulli.

Ecce libellum qui nuper a me prodiit Gallice de Manuaria Nautica quem si dignum censeas ut in conspectu Eruditorum compareat, eum in Actis Vestris recensere liberum Vobis esto; Adjunxi etiam schediasma continens novam Centri Oscillationis explicandi et determinandi rationem, iisdem Vestris Actis si volupe fuerit inserendum, sed rogo ut sphalmata typographica praecaveantur quam fieri potest maxime utpote quae plerumque sensum in hac materia vel turbant vel tollunt.

Annus jam est quod simili occasione ad Te dederim litteras nescius autem an acceperis, quia nullam accepi responsionem; mittebam catalogum erratorum quae in schediasmate meo mensi Febr. et Mart. inserto reperi. Quod si forte istae litterae interciderint, mitto iterum descriptionem illorum errorum, ut possint in Actis moneri si hoc nondum factum sit, et praeterea addo alia errata alicujus momenti quae aliquandiu post dimissionem litterarum mearum observavi. Quod attinet ad Acta vestra a longo tempore nihil de iis vidi; obstringes me maximopere si quae desiderantur et Bibliothecae nostrae et mihi transmittere digneris quod commodissime fieri poterit per Latorem harum Dn. Werenfelsium Cl. Bibliothecarii nostri Fratrem, qui pretium pro iis lubens solvere non detrectabit. Quae post mensem Majum 1712 et post Sect. IV Tomi V edita sunt, ea omnia nobis desunt.

Nuper demum ad manus meas pervenit nova Editio Princip. Phil. Nat. Newtoni quam impatienter expectabam visurus nempe quid de animadversionibus meis in Veterem Editionem in Actis Vestris publicatis sentiat aut dicat; sed quod praesensi contigit, correxit enim quaedam a me monitus quamvis nulla mei facta mentione, pro sua insigni sc. qua sunt Angli erga exteros humanitate. Atque haec forsitan causa est hujus retardationis quod nempe 4 aut 5 mensibus tardius in lucem prodierit quam comparuisset si prius videre scriptum meum potuisset, ut quaedam reformare in nova Editione adhuc esset integrum, quemadmodum revera factum esse ex eo colligitur, quod post jam absolutam operis impressionem plures plagulae rescissae aliaeque substitutae fuerint continentes correctiones quas partim ab Agnato meo in Anglia ante sesquiannum degente habuit partim ex scripto meo in Actis publicato didicit. Ex quo judicare licet quid de fide Anglorum Ampl. Leibnitio quorundam inventionem dubiam reddere volentium imo sibi vel suis arrogantium tenendum sit.

Quod superest rogo ut ad Cl. Wolfium transmittas alterum huic inclusum fasciculum, in quo reperiet praeter litteras unum quoque exemplar libelli mei. Vale Vir Excellentissime.

Dabam Basileae a. d. XXVII. Martii MDCCXIV.

Postea notata sunt sequentia

de quibus in praecedentibus non monui.

Pag. 80, coroll. 2, Th. 3 pro "in subduplicata ratione reciproca longitudinum" leg. "in subduplicata ratione longitudinum". Pag. 117, l. 18 pro "normalem" leg. "tangentialem". P. 120, l. 4 pro $VVT$ lege $VVD$. P. 124, art. 54 pro "1710 qui nuper demum prodiit" leg. "1711 qui brevi prodibit".

In Actis Lips. a. 1713 m. febr. et Mart. corrigantur sequentia

Pag. 78, l. 7 pro "directae" leg. "diversae".

Pag. 79, l. 9, 10, 11 et 12 pro littera $V$ scrib. signum radicale ${\sqrt {}}$

ibid. l. 17 pro $LM$ scrib $LN$.

ibid. l. 31 pro $Eg$ leg. $EG$

Pag. 81, l. 24 pro "quae" leg. "quare"

Pag. 82, l. 3 leg. "apparuerit" per apparuit

ibid. l. 22. pro "habitus" lege "halitus".

Pag. 83, l. 5 pro "fluidis" lege "in fluidis"

ibid. l. 6 a fine, pro ${\frac {2}{2}}$ leg. ${\frac {2}{3}}$.

Pag. sequ. notanda 84.

ibid. l. 5 a fine, pro "§. 16" scrib. "§. 18".

Pag. 87, l. 6 a fine, pro "olea" leg. "oleo"

Pag. 88, l. 12 pro "delecto" leg. "detecto"

Pag. 94, l. 3 a fine, pro "species" leg. "series".

Pag. 116, l. 22 pro "vires" leg. "vices"

ibid. l. sequ. pro "tantum" leg. "tantam".

ibid. l. 4 a fine leg. acquisit[a]

Pag. 120, l. 16 pro "$3nu$" leg. "$3nn$". ibid. l. 10 leg. comperiet

Pag. 121, l. 3 leg. variabilis

Pag. 122, l. 8 a fine, pro "$tw$" leg. "$\theta w$".

Pag. 124, l. 15 pro $\pm$ scrib. $\mp$

Pag. 126, l. 16 pro "$3=n$" scrib. "$3-n$".

Pag. 127, [l.] 8 leg. "Lectori". Pag. 130, l. 20 leg. "curva"

In Tab. I, fig. III producatur $OG$ ut secet $cg$ in $F$.

ibid. fig. 5 pro littera "$b$" inter $T$ et $t$ ponatur littera graeca $\theta$.

in eadem fig. Linea $EL$ supponenda est recta parallela reliquis applicatis $NR$, $nr$.

x Pag. 131, l. 21 leg. "absolutam".

---

Fussnoten

Zurück zur gesamten Korrespondenz