Bilfinger, Georg Bernhard an Bernoulli, Johann I (1724.11.05)
|
|
|
|
| Kurzinformationen zum Brief mehr ... | |
|---|---|
| Autor | Bilfinger, Georg Bernhard, 1693-1750 |
| Empfänger | Bernoulli, Johann I, 1667-1748 |
| Ort | [s.l.] |
| Datum | 1724.11.05 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 653, Nr.18* |
| Fussnote | |
Viro Magnifico,
Dom. Joanni Bernoullio,
Sal. et off.
Georgius Bernhardus Bulffinger.
Litteras Cel. Wolfii, praesentibus inclusas,[1] accepi ante paucos dies. Per absentiam Dn. Cancellarii Nostratis non mihi copia fuit exscribendi ex Comment. Trivultinis necessaria. Eo ante hoc biduum reduce facto excerpsi, quaec[un]que ad Tuum Problema pertinent. Intelliges me ex vero scripsisse[2], cum obiter saltim libellum inspexeram: que le ridicule de leur censure saute aux yeux! Erravit Auctor vel in ipsa Problematis enunciatione: Tuam solutionem certus sum, ipsum non legisse: non potuisset alioquin tota via aberrare, imperabis Tibi patientiam, cum legeris paralogismos Viri, ut videtur, zelo praediti pro Elementis Synthetice demonstratis, et ad cetera haerentis. etc.
Quod meae tenuitati destinas exemplum Libelli a filio editi,[3] id facis pro Tua humanitate, et me mones officii erga has literas. Utinam liceret vestra sequi vestigia: nihil magis in voto foret. Sed distrahor ad aliena, et longe illis inferiora. Trahor autem, non sequor.
Spero tamen, me vestris auxiliis pedetentim ad majora progressurum. Suspicor, in schediasmate,[4] quod memoras, explicitum iri, quae ad calculum sive differentio-differentialem, sive integralem pertinent: Utriusque illius incrementa a Te et Tuis praestolatur orbis Eruditus. Non potes, mea tenui sententia, Tuae inter posteros famae certius consulere, quam si collectim edas, quae Tua sunt, eademque supplementis, quae pauca erunt, additis in formam artis redacta publici juris fieri permittas. Si qui Tuis adjecti, quod Angli fecerant nonnulli, et de suo nihil aut parum addituri, propositis in publicum problematis Tibi aut aliis se molestos exhibituri sint: Non deerunt sane, qui fontes ostendent artificiorum; Neque Tuis deerit, quo se supra ceteros eminere luculenter demonstrent. Intulisti familiae Tuae superioritatem in hoc genere universalem, quam non-degeneres filii perennem facient.
Monui ego Cel. Wolfium, cum de filio Russorum Monarchae per aliquod tempus commodando in Tuis ad me literis nonnihil attigisti. Spero, illum ex eo tempore Tecum de ea re egisse. Si quid promotum est istud negotium, quaeso Te, ut mihi eam voluptatem indulgeas, quae perfunderer, si solidiora ad Russos studia propagatum iri intelligerem. Scribo haec festinabundus, quoniam undique premor occupationibus nihili. Vale, Vir Maxime, et Tuum mihi favorem perennem serva.
Dab. 5. Nov. 1724.
A Monsieur,
Monsieur, Jean Bernoulli,
Professeur en Mathematique, et
Membre des Societés Royales de
Paris, de Londres et de Berlin etc.
à
Bâle.
Fussnoten
Zurück zur gesamten Korrespondenz